Little Fresh Cafe & Bar (已結業)

上網預約一間餐廳食晚餐，餐廳位置雖然喺旺角，但確實非常神秘，搵咗好耐先搵到大廈入口，原來大堂係喺一條巷仔入邊，最後成功上到去。入到去發現餐廳裝修簡單，但係好別緻，燈光暗暗地， 好浪漫，好適合情侶嚟食。我叫咗兩份晚餐，晚餐包含餐湯或者沙律，可以選擇，我揀咗忌廉湯，配蒜蓉包。蒜蓉包好香、好脆。忌廉湯好濃，好惹味。主菜揀咗「法式香煎紅鯛魚柳配秘製白醬」煎魚用咗好多香草佢調味，煎到外脆內軟，再配合蔬菜同埋薯蓉伴碟，好好味。第二味主菜揀咗「慢煮鴨腿」，鴨腿肉煮冧咗，好香好滑，充滿新鮮鴨肉嘅味道，再配合蔬菜同埋薯蓉伴碟，一個人食，份量啱啱好。最後仲有甜品雜莓芝士蛋糕，好香滑嘅蛋糕，配上酸酸甜甜嘅雜莓，好開胃。另外加咗一個小食，小食係一個「火焰酒煮蜆」伙計會過嚟幫你點火，過火都幾大，好特別，好有驚喜，蜆肉好新鮮，好鮮甜。總結，餐廳食物質素好高，價錢合理，好適合情侶或者節日慶祝。