Green Orange

講開慢活，我會搵一間情調滿滿嘅餐廳，坐低飲杯紅酒，聽住輕柔嘅爵士樂，享受一道道精緻嘅意大利fusion菜！餐廳喺上環某個地方，燈光柔和，氣氛浪漫，由前菜到甜品，帶你走進味蕾嘅悠閒旅程！😋🍷青蘋果伴巴馬火腿沙律 🥗
巴馬火腿鹹香得來唔膩，配上青蘋果嘅酸甜同新鮮沙律菜，清爽可口😍黑松露蟹肉多士 🦀
多士香脆，上面鋪滿濃香嘅黑松露同鮮甜蟹肉，仲有青瓜同車厘茄點綴，清新又好食🍴海鮮湯 🦞
湯頭充滿龍蝦香氣，鮮味濃郁，仲有原隻青口，飲落暖笠笠，好有海鮮風味 🥄燒大蝦羽衣甘藍香草醬意大利麵 🍝
大蝦彈牙鮮甜，配上羅勒香草醬嘅意粉，香氣撲鼻，仲有露筍同車厘茄，食落清新開胃🍤10oz美國頂級西冷牛扒（5成熟） 🥩
牛扒外層煎得香脆，內裏粉嫩多汁，牛肉味濃，配菜薯仔甜美，簡單加點鹽已經好正😋焙茶蕉糖燉蛋 🍮
焙茶香氣好突出，焦糖脆口，燉蛋軟滑香甜，仲有免費畫碟服務，今次畫咗個超可愛嘅Winnie the Pooh，見到都開心晒！🐻$1法國生蠔 🦪
叫二人套餐可以加$1 換法國生蠔，生蠔新鮮肥美，海水味濃，配點檸檬汁同海鮮醬，鮮甜得來好refreshing，超值！