影片
更多
2018-02-21
1882 浏览
好食嘅食物，唔難食到。但有heart嘅廚師，就未必經常能夠遇得到。情人節我地揀左觀塘一間樓上私房菜，呢間餐廳嘅主廚好有心思，將情人節set dinner嘅幾道菜串連成一個故事，每道菜無論係味道抑或是用料都好有驚喜。1. 地獄獨個子這道菜用帶子嘅音比喻獨個子（未拍拖之前獨自一人），煎帶子配啤梨蓉，味道異常的夾，中間伴菜有西芹、果仁粒同蘋果粒，以蜜糖拌勻，味道清新。2. 情迷熱戀第一次試用熱情果做嘅沙律，熱情果果肉酸酸的，味道自然，正好可代替沙律醋。沙律菜加有鹽及黑胡椒，連埋熱情果肉，再配上巴馬火腿一齊食，特別醒胃。3. 重拾窩心蕃茄忌廉湯，蕃茄唔會打得太爛，每啖湯都有甜甜地嘅蕃茄蓉，口感豐富。4. 愛心小禮包就好似情人送嘅小禮物一樣，小巧可愛，亦係我比較喜歡嘅其中一道菜之一。每隻小雲吞內包有鮮蝦同cream cheese，香蝦味混著cream cheese，因為有清清地嘅雜菜湯，所以一連食五隻雲吞都唔覺得膩。5. 猶如初見以士多啤梨雪葩加入甜甜地嘅ginger ale來清清味蕾，確係有refresh嘅效果。6. 脆嫩「魚」18、情場好「duck」意呢兩款主菜扭轉左我唔鐘意食三文魚扒同鴨胸
1. 地獄獨個子
這道菜用帶子嘅音比喻獨個子（未拍拖之前獨自一人），煎帶子配啤梨蓉，味道異常的夾，中間伴菜有西芹、果仁粒同蘋果粒，以蜜糖拌勻，味道清新。
地獄獨個子
38 浏览
0 赞好
0 留言
2. 情迷熱戀
第一次試用熱情果做嘅沙律，熱情果果肉酸酸的，味道自然，正好可代替沙律醋。沙律菜加有鹽及黑胡椒，連埋熱情果肉，再配上巴馬火腿一齊食，特別醒胃。
情迷熱戀
33 浏览
0 赞好
0 留言
3. 重拾窩心
蕃茄忌廉湯，蕃茄唔會打得太爛，每啖湯都有甜甜地嘅蕃茄蓉，口感豐富。
重拾窩心
47 浏览
0 赞好
0 留言
4. 愛心小禮包
就好似情人送嘅小禮物一樣，小巧可愛，亦係我比較喜歡嘅其中一道菜之一。每隻小雲吞內包有鮮蝦同cream cheese，香蝦味混著cream cheese，因為有清清地嘅雜菜湯，所以一連食五隻雲吞都唔覺得膩。
愛心小禮包
40 浏览
0 赞好
0 留言
5. 猶如初見
以士多啤梨雪葩加入甜甜地嘅ginger ale來清清味蕾，確係有refresh嘅效果。
猶如初見
39 浏览
1 赞好
0 留言
6. 脆嫩「魚」18、情場好「duck」意
呢兩款主菜扭轉左我唔鐘意食三文魚扒同鴨胸嘅睇法，尤其係前者，我真係好討厭食三文魚扒，因為大部份嘅三文魚扒都好乾。要令呢塊挪威三文魚扒同「脆嫩」呢兩個字扯上關係，主廚應記一功！魚皮煎得香脆如薯片，魚扒能夠將肉汁鎖住，並沒有煎到全熟所以肉質十分嫩滑。我敢講呢塊絕對係我食過最好食嘅三文魚扒！
脆嫩「魚」18
41 浏览
0 赞好
0 留言
鴨胸又係好嫩，嫩到我懷疑係食緊脾肉，鴨胸上面灑上海鹽，中間夾着少少薰衣草嘅味道，以剁碎咗嘅大蔥混入芥辣成為醬汁，提升咗鴨胸嘅肉味。
情場好「duck」意
40 浏览
0 赞好
0 留言
最後一道菜式「甜入心」，牛奶朱古力片上放上士多啤梨雪糕、藍莓同士多啤梨，再淋上燒著嘅烈酒造成火焰效果。
甜入心
39 浏览
0 赞好
0 留言
呢餐食得好開心，最難得嘅係主廚會走出嚟同每一台食客傾計，問佢哋對菜式嘅意見。我最欣賞嘅係，當我問佢某啲菜式點煮嘅時候，佢完全唔會吝嗇，好耐心地講解。呢度每一道菜都非常之出色，我會再嚟幫襯架！
张贴
