影片
以上资料只供参考，请与餐厅确认详情
lunch很喜欢来这里~$50 已有餐汤，饮品，三𩠌意粉超划算！😋可是最近去了几次都是「吃闭门羹」…打电话询问也无人接听…😓请问你们还在营业吗？……还有一张可换餐的印花coupon没用呢…😭
继续阅读
好食嘅食物，唔难食到。但有heart嘅厨师，就未必经常能够遇得到。情人节我地拣左观塘一间楼上私房菜，呢间餐厅嘅主厨好有心思，将情人节set dinner嘅几道菜串连成一个故事，每道菜无论系味道抑或是用料都好有惊喜。1. 地狱独个子这道菜用带子嘅音比喻独个子（未拍拖之前独自一人），煎带子配啤梨蓉，味道异常的夹，中间伴菜有西芹、果仁粒同苹果粒，以蜜糖拌匀，味道清新。2. 情迷热恋第一次试用热情果做嘅沙律，热情果果肉酸酸的，味道自然，正好可代替沙律醋。沙律菜加有盐及黑胡椒，连埋热情果肉，再配上巴马火腿一齐食，特别醒胃。3. 重拾窝心蕃茄忌廉汤，蕃茄唔会打得太烂，每啖汤都有甜甜地嘅蕃茄蓉，口感丰富。4. 爱心小礼包就好似情人送嘅小礼物一样，小巧可爱，亦系我比较喜欢嘅其中一道菜之一。每只小云吞内包有鲜虾同cream cheese，香虾味混著cream cheese，因为有清清地嘅杂菜汤，所以一连食五只云吞都唔觉得腻。5. 犹如初见以士多啤梨雪葩加入甜甜地嘅ginger ale来清清味蕾，确系有refresh嘅效果。6. 脆嫩「鱼」18、情场好「duck」意呢两款主菜扭转左我唔钟意食三文鱼扒同鸭胸嘅睇法，尤其系前者，我真系好讨厌食三文鱼扒，因为大部份嘅三文鱼扒都好干。要令呢块挪威三文鱼扒同「脆嫩」呢两个字扯上关系，主厨应记一功！鱼皮煎得香脆如薯片，鱼扒能够将肉汁锁住，并没有煎到全熟所以肉质十分嫩滑。我敢讲呢块绝对系我食过最好食嘅三文鱼扒！鸭胸又系好嫩，嫩到我怀疑系食紧脾肉，鸭胸上面洒上海盐，中间夹着少少薰衣草嘅味道，以剁碎咗嘅大葱混入芥辣成为酱汁，提升咗鸭胸嘅肉味。最后一道菜式「甜入心」，牛奶朱古力片上放上士多啤梨雪糕、蓝莓同士多啤梨，再淋上烧著嘅烈酒造成火焰效果。呢餐食得好开心，最难得嘅系主厨会走出嚟同每一台食客倾计，问佢哋对菜式嘅意见。我最欣赏嘅系，当我问佢某啲菜式点煮嘅时候，佢完全唔会吝啬，好耐心地讲解。呢度每一道菜都非常之出色，我会再嚟帮衬架！
继续阅读
几个月前的生日饭后，昨晚再次拜访。 晚饭主题及食物再一次让大厨发版！再一次开心惊喜。全晚共6度菜，食物主角是野生鲟鱼子及海鲜。 1. 鲟鱼子配牛油果+牛油果酱法包 2. 鲟鱼子配意大利沙律菜 3. 香煎大带子配椰菜花酱 4. 即做意大利云吞，芝士鲜虾馅 5. 香煎鳕鱼柳配意式香料 6. 即做蛋白柠檬酥皮挞。 感谢大厨的细心安排，食材一流，味道一流，其待着下次的惊喜。😍😘😍😘很抱歉，第2度沙律忘记了影相😝
继续阅读
Happy Friday 要试下新的餐厅 同事介绍左黎试呢间车仔意粉 $50可以自选三个𩠌 包餐汤包餐饭 呢个价钱 其实真系算抵食 是日餐汤系龙虾汤好咸 无龙虾味我拣左烟肉加两份蘑菇配香草汁意粉上菜速度都算快 份量都ok味道就～无特别香草味系有既 不过吾够多似系自己系屋企整既意粉同埋我明明无拣洋葱 但入面就加左洋葱呢个有啲吾中意… 见到有all day breakfast都只系$40下次有机会拿黎讲下呢个 见隔离枱叫左 个卖相都吾错！整体黎讲 质素对得住个价钱 而且环境 服务态度都不错
继续阅读
今日去咗呢间餐厅，12点开但我11:50到咗，店员邀请我入去坐低等，都系嘅，喺工业大厦外面呆等，真系会热到晕咗。入面座位唔算多，但总算有心思，客人系唔会望到厨房系点样，因为佢已经化身成一架露营车，而枱布都配合返个主题，用红色格仔布，再加上一幅草墙，的确几有气氛！lunch有3款，1款系$40嘅all day breakfast、另一款系佢哋定配料嘅意粉($40)、第3款就系自选配料意粉，$50可以喺肉、海鲜及蔬菜里面拣3种配料，另加配料每款$5，又叫做「车仔意粉」。而呢3种lunch set都包汤及冻热饮品，哇真系好抵㖞！龙虾汤唔要求同其他餐厅𠮶啲百几二百蚊一碗嘅龙虾汤去比较，呢个汤口感浓度啱啱好，唔会太杰唔会太稀，都有啲龙虾味，但可能咸咗少少香草汁鸡丝芦笋蘑菇螺丝粉 ($50)配合返露营嘅主题，系用不锈钢盘承载，几有风味！以呢个价钱嚟讲，份量算大而且足料。落单时要求多蒜，本来都冇乜期望佢哋真系会多蒜，点知真系超多蒜，一上菜时香到不得了，感觉非常新鲜热辣辣！香草汁味道浓郁，唔会太杰；芦笋冇渣，味道清甜；鸡丝好多，但如果冇鸡皮会更加好；螺丝粉偏腍身，落单时唔记得要求al dente啲添。不过整体系好味嘅，可能用橄榄油煮，所以食完都唔会觉得好油腻。$50有个咁样质素嘅新鲜炒意粉，老实讲，我真系冇野可以再挑剔All day breakfast ($40)老实讲，平时闲闲哋一个all day breakfast，都要过$100，你同我讲$40有一个？！我真系有啲惊！同行嘅朋友仔叫咗一个试吓，卖相又几靓㖞，用个木托盘上菜，放喺红色格仔台布上面更加衬。份量唔算多，不过for一个普通食量嘅女仔系足够，厚多士可配红酒干葱牛油或香草蒜香牛油；炒蛋嫩滑无比；汉堡扒同麦当劳𠮶块猪柳有8成相似，感觉好好！一句讲晒，$40一个all day breakfast，个牛油唔系俾Anchor或者Lurpak，即系要搣开先有得搽𠮶种啊，已经系非常有诚意！喺观塘食lunch，有汤、主菜及饮品嘅茶餐厅系非常多，价钱仲差唔多添。但有边间会有咁企理嘅环境？又有边间会有店员喺你食紧一个$50嘅set lunch𠮶阵，走埋嚟问你佢哋有冇野需要改善，蒜够唔够多？又有边间会咁用心落橄榄油去新鲜煮你嘅意粉？喺观塘返工嘅朋友，如果想食一餐性价比高、服务好、环境舒适嘅lunch，呢度系你嘅选择
继续阅读