Amici (已結業)

呢度环境好幽静，灯光柔和，虽然地方唔太大，但都布置得几有情调，好适合情侣黎。可以散叫，但我地最后都系拣左winter set，d菜式吸引得黎，加$220仲有支红/白酒南瓜味非常浓郁，而且个汤好creamy！番茄牛油果虾沙律 - 自从食过牛油果之后就返唔到转头，真系好爱牛油果入口即溶既感觉。虾身又够爽口弹牙，加埋一齐口感丰富。慢煮牛柳及蟹肉配蛋黄香草汁 - 因为用低温慢煮既方法煮块牛柳，所以仲保持到肉质好嫩滑。蟹肉为成个菜式带来清新既口味，味道鲜甜，仲有少少既海水味，非常新鲜。慢煮西班牙黑毛猪鞍配松露烧汁 -  黑毛猪同样地都系以低温慢煮既方法烹调，所以肉质仍然保持到好嫩滑，而且肉质甘香，仲有唔少肉汁。个松露烧汁非常出色，比点！伯爵茶曲奇妙趣芝士饼 - 有淡淡既伯爵茶味道，而且咬落去口感好滑。清香既茶味仲可以中和返芝士本身略嫌饱滞既感觉。总括而言，食物环境同服务质素都非常好。环境真系一流，非常宁静，好适合情侣或者小型朋友聚会谈心。