影片
更多
2018-02-06
161 浏览
老婆之前同朋友來食過，老婆不停推介叫我一齊再去食，店舖地方不算大，座位舒適，仲有吧枱坐，不算多，得八個位。倆小口子一來到叫左杯野飲，一杯生啤，一杯巨峰味汽酒。前菜是下圖【細芝蔴鹽醬椰菜】椰菜非常爽口，再加上芝麻醬香濃可口再加上蒜片。上圖【特製黑松露炙燒平目魚邊沙律】沙律菜配上牛油果， 再加燒過既平目魚邊入口即溶，之後再連埋黑松露一起食...真估不到咁美味。下右圖【味噌蟹甲羅燒】(配多士)混合了蟹膏和幼滑的鵪鶉蛋，在蟹蓋內烤煮，同時令蟹香四溢，配埋多士滋味無窮。上圖【香煎蒜片厚切牛舌】值得推介!!厚切牛舌，估唔到都咁好食。粒粒牛舌彈牙又厚身又不會乾，咬既時候肉汁不斷滲出，好好味。下左圖【白鱔浜燒】鰻魚經燒完之後外層香脆，肉厚發出充滿油香味，再加埋蒲燒醬汁，無得頂。【特上漁獲浜燒盛合】(二人前)珍寶大蝦 非常大隻，蝦頭仲好多膏，蝦肉夠哂彈牙。松葉蟹腳 燒得啱啱好，十分新鮮，食落有海水味。鮑魚 x 2 烤後肉質爽口彈牙，點埋柚子胡椒醬食絕配。蠔 x 2 燒得非常之好....燒到三成熟仲帶點半生熟既感覺。帆立貝 x 2 師傅好有心機地幫我們燒，師傅用左兩種方法黎煮一種牛油一
倆小口子一來到叫左杯野飲，一杯生啤，一杯巨峰味汽酒。
前菜是下圖【細芝蔴鹽醬椰菜】椰菜非常爽口，再加上芝麻醬香濃可口再加上蒜片。
上圖【特製黑松露炙燒平目魚邊沙律】
沙律菜配上牛油果， 再加燒過既平目魚邊入口即溶，之後再連埋黑松露一起食...真估不到咁美味。
下右圖【味噌蟹甲羅燒】(配多士)混合了蟹膏和幼滑的鵪鶉蛋，在蟹蓋內烤煮，同時令蟹香四溢，配埋多士滋味無窮。
上圖【香煎蒜片厚切牛舌】值得推介!!
厚切牛舌，估唔到都咁好食。粒粒牛舌彈牙又厚身又不會乾，咬既時候肉汁不斷滲出，好好味。
下左圖【白鱔浜燒】
鰻魚經燒完之後外層香脆，肉厚發出充滿油香味，再加埋蒲燒醬汁，無得頂。
【特上漁獲浜燒盛合】(二人前)珍寶大蝦 非常大隻，蝦頭仲好多膏，蝦肉夠哂彈牙。
松葉蟹腳 燒得啱啱好，十分新鮮，食落有海水味。
鮑魚 x 2 烤後肉質爽口彈牙，點埋柚子胡椒醬食絕配。
蠔 x 2 燒得非常之好....燒到三成熟仲帶點半生熟既感覺。
帆立貝 x 2 師傅好有心機地幫我們燒，師傅用左兩種方法黎煮一種牛油一種清酒，可以試到唔同既口味，燒完之後燒到軟透之余仲軟稔。值得一讚
另加一隻浜燒【北寄貝】燒出來非常鮮甜...對我來說，所有貝殼類之中，北寄貝刺身食又好，燒又好...係最鮮甜
【刺身盛合五款】牡丹蝦、生吞拿魚、油甘魚、三文魚、馬糞海膽。每款魚類切得非常之厚。
{牡丹蝦} 真係好大只，好似珍寶蝦一樣，又鮮甜爽口，一啖根本食唔哂一隻蝦。
特別系生{吞拿魚}，入口即融，好好味。
油甘魚同三文魚都非常之新鮮。
{馬糞海膽} 旁邊配左脆脆既紫菜黎食，而且海膽味道好清甜。
【原條池魚刺身】
刺身厚度片片一樣，好考師傅刀功！味道非常鮮甜爽口，有少許薑蓉、辣蘿白蓉加埋落酸酸醋汁裡！一齊食更加美食，而家同老婆比較喜歡池魚刺身多些。
我老婆說D道既甜品雪糕非常出色，又其事蕃薯雪糕，之後點左兩個來食：蕃薯味濃郁，好似食緊雪凍左蕃薯咁。
张贴
