漁獲浜燒 (已結業)

今日同女朋友行完SOGO 就去咗隔離嘅澳門逸園中心度食野，呢座大廈全座都係食肆，女朋友話新年食野已經食到體重開始上升，所以就話唔想食D 咁HEAVY 嘅野，於是就簡左上黎漁獲浜燒食海鮮。海鮮我地簡左龍蝦SET，分別有龍蝦，帆立貝，文蛤同埋北寄貝，前菜就叫左沖繩風沙律同埋唐揚一口芝士。 沖繩風沙律材料有海葡萄、沙律菜、沖繩苦瓜連埋數種唔同嘅刺身加埋一齊，海葡萄我都係第一次食，感覺有少少似蟹籽，成個沙律加埋柚子汁食都幾開胃。一口芝士熱辣辣，正清酒燒帆立貝，店員好細心將帆立貝切成細細舊，方便進食。文蛤好大隻，咬起來非常有口感。北寄貝肉質鮮嫩多汁燒龍蝦味道鮮美，肉質鮮嫩潔白，而且蝦鉗亦已經拆殼，食嘅時候都唔會有碎殼，值得一讚。