漁獲浜燒 (已結業)

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯咁少介紹嘅日本餐廳「漁獲」就位於銅鑼灣澳門逸園中心，主打日式浜燒。浜燒係香港比較小眾，海鮮直接由日本直送，用火香烤再做簡單調味，務求食得出海鮮嘅鮮味。Premium $798 二人前刺身三點套餐包含油甘魚和三文魚。$98就可以升級做拖羅、金目鯛和赤蝦。入口即溶嘅拖羅真係引人入勝。浜燒黃金大虎蝦大虎蝦預先開邊，然後再用火槍炙熱，燒到肉質微微焦香就食得。蝦頭部份有蝦膏，蝦身非常有彈性。貝類 （四選二）帆立貝/貴妃蚌貴妃蚌我就揀咗高湯，帆立貝就選擇咗蒜蓉牛油味。店員同樣會即蓆火燒，帆立貝肉質爽口，又有豐富嘅牛油味。而貴妃蚌就食到海鮮嘅鹹鮮味。西京比目魚/燒魚鮫 （二選一）我就選擇咗燒魚鮫，魚鮫連外皮香煎連金黃色。內層魚肉鮮嫩多汁。發塔紙白蜆湯將蜆肉放入透明嘅發塔紙中煮，所以湯汁更加能夠鎖住蜆肉嘅鮮味，記住連埋個湯一齊飲埋佢。海鮮炒飯/海鮮雜炊 （$98升級咗海膽炒飯）可以見到飯粒炒到粒粒分明，面頭仲放咗海膽，每一啖都係海膽嘅甜味。甜品（2份）+$10升級 椰子雪糕/蘋果雪葩到最後當然唔少得甜，兩款造型都好適合打卡，而我自己就比較鍾意蘋果雪葩