睡飽吃吃

营业中

休息中

睡饱吃吃系网店流浪甜点工作室嘅实体店，主要卖各种口味嘅巴斯克蛋糕、戚风蛋糕，仲有芋圆甜品、台式饮品。装修采用柔和嘅黄灯，怀旧木系装修，有种台南小店嘅感觉。*之前上网订过芝麻豆腐花生麻糬，第一啖感觉系好强！个人觉得比巴斯克更强。戚风蛋糕体松软、湿润，第二日食都保持到水准，红枣味相当弱。黑芝麻忌廉好浓好滑，豆腐夹心豆味香浓，有啲似奶冻。牛奶麻糬铺面，烟韧似汤圆，加大量花生粉喺表面，有种台湾味啊！巴斯克芝士蛋糕中间软心，质地浓稠顺滑，外层比较挺身，似纽约芝士蛋糕。味道上，芝士味、奶味都比较薄弱，系蛋糕嘅口味更突出。同区其实都有另一个主攻巴斯克蛋糕嘅网店/实体店，两者明显走两种唔同嘅路线。西西里岛开心果巴斯克 $68开心果味比想像中浓，有明显嘅果仁香。感觉除咗开心果，仲有少少其他果仁味。口感上有少少单调，多啲果仁碎会更丰富。星野抹茶巴斯克配草莓cream $68抹茶超级浓，浓得嚟唔会苦涩，淡淡回甘，配士多啤梨忌廉好夹。蜜树博士茶 $45每人最低消费一杯饮品，所以一定要叫，就系热水+茶包，两个字：普通。