影片
以上资料只供参考，请与餐厅确认详情
相关文章
第一次嚟。过海做完嘢，想揾个地方坐低睇书，谂起bookmark咗好耐的睡饱吃吃，上社交平台 check咗佢今日有开，营业时间系1300-1800，咁就嚟排队喇~1258到达，有3个人喺店外排队，佢地都系女仔、单拖。西西里岛开心果巴斯克：$68/件，唔平，比我最钟意的Yumo贵$5；由于睇咗食评，心知蛋糕细件，所以冇期望落差，而佢系细既；presentation系唔合格，其一系餐具唔讲究，cafe提供餐叉而唔系蛋糕叉，而叉同碟又完全唔合乎比例，用佢拮蛋糕，唔方便之余，真系2、3啖完食，失去享受甜品的仪式感；其二败笔系只碟崩咗一忽，唔优雅其次，整亲就唔好啦；味道方面，蛋糕好食，但未到世一（hemma都唔系），蛋糕的坚果味浓郁，但层次较单一，口味的对比嚟自3个部分：蛋糕体、蛋糕面（焗㶶的部分）同开心果酱：蛋糕面就住嚟焗，呈金黄色，未到接近㶶的状态，所以喺味道上冇造成好大对比，但对于唔钟意焗㶶的焦苦味的人嚟讲，佢烤焗得非常讨好，令一般人容易接受；开心果酱有令味道升华，但食开开心果酱的人都知，就咁𢳂开心果酱出嚟食都一定满足无比，所以，开心果酱好食系意料之内，冇大惊喜；最赞同最有记忆点系蛋糕体的质感，佢劲滑，食落味道有啲似豆腐，而坚果味亦非常浓郁！蛋糕体唔系流心，而系质感细致、软滑，有啲人食流心巴斯克时会惊佢中间唔熟，呢度的巴斯克就会系一个好选择Latte：$40；睇咗唔知系咪由Foodie写的食评，话睡饱吃吃难得系蛋糕好食、啡又好饮的cafe...令饮紧Latte的我怀疑人生，杯咖啡真系平平无奇~最近差唔多日日饮Latte ，近期饮过最好的系Parkside@Nina，呢度的Latte系有特别而讨好的味道，但果个应该系鲜奶味而唔系咖啡味。整体嚟讲，咖啡味唔突出，$40细细杯（~150ml），唔值，不过无办法，入场必须点1杯饮品餐厅环境唔错，台与台之间有距离，加上食客多数单拖，而cafe喺平日午后营业，嚟得的人都比较chill，所以坐落几安静。座椅系实木，唔算舒适。Cafe有2层，上层用餐区有梳化，但应该系俾几个人一齐坐，位置开扬嚟呢度食嘢有几点要特别留意：（1）店内冇厕所！唔知系咪嚟得不合时定cafe一向如是，以为cafe一定有厕所，而我亦揾到一道疑似通向洗手间的门，门外写「staff only」，问店员洗手间位置，佢话：「厕所塞咗，你可以行番去西营盘站隔离XXX的厕所」听到有被吓一跳，由港铁站口行过嚟要3-4分钟，单拖点咗食物、俾埋钱，想去洗手间就要离开舖头，来回6-8分钟，呢点好难接受，如果食食下先人有三急咪好弊？；（2）Cafe只收现金：㩒定钱先好嚟；（3）蛋糕冇得外卖；跨区嚟到，本来想外卖几件蛋糕俾屋企人试下（当时自己都未有得食），但店员话不设外卖，冇盒、冇纸袋，所以，如果真系想外带，就要自备食物盒，不过，试食后，觉得冇外卖都唔可惜，虽然蛋糕唔差，但以入口的惊喜度嚟计，Yumo、Mr. Cheesecake甚至Liberty都高分啲。个人而言，睡饱吃吃同hemma的档次差唔多，算系几好食，但食一次就够，而呢一次主要系凑热闹。我咁迟先嚟，最终只系删走wish list的其中一项，试完过但揾唔到一个回访的理由~
继续阅读
2025.03.01自从上个月食过 睡饱吃吃 后一直都念念不忘 今日去开西营盘揾食 决定带朋友去！因为今日系星期六 排队就少不免 大约排左半个钟就坐低今日叫左星野抹茶巴斯克配豆腐忌廉东方美人茶日本草莓忌廉蛋糕星野抹茶巴斯克上次已有食过 蛋糕既流心质感非常适中 唔会太稀亦唔会太实净今次带同行朋友去食 朋友食第一啖都赞好味！✌🏿配埋豆腐忌廉配搭得真系非常好 好清新东方美人茶日本草莓忌廉蛋糕第一次食佢地既海绵蛋糕 亦都很满意蛋糕质地有弹性 东方美人茶超浓但不会苦涩唯一就系草莓唔够甜亦都偏酸 呢样令个蛋糕扣左少少分咖啡呢 就同之前一样 啡味淡 唔香浓 无特别甘菊茶好够热 甘菊味亦很重 饮完好舒服 店家仲话饮完可以refill 总括暂时睡饱吃吃依然系我心目中系非常高质！
继续阅读
没有固定营业日、一天就开5小时、只收现金、经常排队……乍一看不是一家diner friendly的甜品店，但为了这块全港Top的巴斯克还是要冲一次！·应该是蛋糕工作室改造出来的堂食区，环境一般，离地铁有点远，工作日只排了十几分钟运气还算好，时间充裕的话建议开门前就到。·是日蛋糕只有几款，口味也会随季节不定期更换，份量和质素还是对得起这个价格，招牌的巴斯克是流心质地，丰富到像一场流动的盛宴。·【西西里岛开心果巴斯克】【单品巧克力酒渍樱桃卷蛋】·要说现在面包甜品的顶流，那必须是开心果，它家这款更是做出了开心果碎、开心果酱、开心果芝士的三重奏，开心果脑袋狂喜~·中心介乎于固液态的临界点，被绵密的蛋糕体环住，芝士香和坚果香既浓郁霸道又不互相抢戏，冰凉甜蜜的口感温柔地滑过口腔……吃完把盘子都刮干净了！·蛋糕卷好吃但不如巴斯克惊艳，酒渍樱桃给了不少，非常大人的味道，蛋糕卷湿润柔软、充满回弹，中间的巧克力奶油浓厚扎实到像在吃巧克力本力！·一个睡饱吃吃、无所事事的下午又过去了～
继续阅读
唔系第一次嚟食 通常都会拣平日晏啲嘅时候 咁就可以少啲人今次嚟得返开心果巴斯克 另外再叫多个matcha latte Matcha latte超浓郁 冇死甜 一啲都唔涩 推介🤩🤩🤩而佢啲蛋糕不嬲都咁正 下次想试埋其他味💛
继续阅读
听讲西营盘出名食巴斯克蛋糕🍰🍰呢间虽然冇同区另一间咁出名🌠不过同样好高人气🍾🍾太晏黎啲蛋糕会卖晒架👀建议大家去之前去佢地ig check下开放时间～唔系日日开呀⏰✨星野抹茶巴斯克配豆腐忌廉🍵 (HK$68)第一次食抹茶同豆腐呢个配搭🤍豆腐cream好突出🍨balance翻微苦既流心抹茶 好出色有惊喜～💚✨西西里岛开心果巴斯克🧀 (HK$68)开心果酱好浓好浓💚半熟流心既蛋糕好软滑🍰面头仲有开心果碎碎🌱蛋糕本体既开心果味就唔算好浓～夹埋个酱一齐食就岩岩好👍🏼✨Ice Americano☕️ (HK$45)好普通的一杯啡 偏淡 唔酸又唔苦🧊✨Ice Latte🥤(HK$45)Latte好饮过americano☕️唔会太重奶味🥛不过同样冇咩特别～每人最低消费一杯饮品黎讲 咖啡呢个质素真系…..性价比低咗少少💳7仔/m记啲咖啡性价比仲高sorry🙇🏻♀️🙇🏻♀️好食就系0卡！💰价钱: 6.5/10👅味道: 7.5/10🌙环境: 8/10🐷肥仔程度: 8/10🐦回头率: 7/10
继续阅读
您可能会有兴趣的...