大和牛石燒專門店 (已結業)

經過門口已經被色彩繽紛的菜單吸引，各式的漢堡大大份，套餐價都只係6x蚊，就包埋小食同飲品，仲有近年大熱既石燒肉，豐儉由人，由最高級既日本A5和牛到普通既牛隔肌都有🤑 🐮除了高質牛肉，餐廳亦有提供炸魚、炸軟殼蟹和素食菇類供漢堡之用，燒肉亦有靚豬和雞扒，多元化選擇方便一家大細黎食。來到這裏，當然兩樣主菜都要試一試，只吃燒肉太單調，還有自助區供應湯、沙律和飯，形成自己個人特色的定食🍱 🍔珍寶啡菇和牛漢堡套餐 $71 7/10上檯時漢堡直立在碟上，每樣材料都相當厚身，特別是和牛漢堡扒，厚度超過1節半手指。漢堡扒油香濃郁，帶有筋的肉扒令口感多層次，黑椒味比較搶味。大啡菇烘烤時間短，內裏仍很濕潤，外表不會太乾身。配上炸魚塊，火喉剛好，外脆內軟🍤 🍔三重芝士軟殼蟹阿波尾雞蛋堡套餐 $81 7.5/10軟殼蟹噸位十足，仿似要從漢堡中逃出生天般張開它的爪，流汁芝士滿瀉，煎蛋還帶有半熟，咬開時流出滑溜的蛋汁。芝士鹹香味道配合酥炸軟殼蟹頗惹味🦀 🍚配餐沙律菜新鮮無腥味，有胡麻醬芥末醬和柚子醋，配搭很開胃。湯裏有白蘿蔔豆腐，味道尚可。飯比較軟爛，和燒肉食剛好中和了一下鹹味。