諾亞半熟蛋糕專門店 (已結業)

星光行誠品新開咗間諾亞的半熟蛋糕，身邊好多朋友都話真係好好食，聽就聽得多啦，今次終於有機會買嚟食啦。款式選擇好多，不過我最喜歡就係食芒果，點都要買香芒溶心芝士蛋糕。店員會細心問你回家需時幾耐，因為要放乾冰。店員會提你回家後要立即放入雪櫃。蛋糕面層是芒果味嘅啫喱，加入新鮮香甜的芒果，底層係朱古力海綿蛋糕。切開之後芝士流心就湧出來，香濃嘅芝士味夾雜著芒果嘅清甜。甜度剛剛好，食完都唔會話好膩。一個蛋糕可以食到三種嘅口感真係好特別，下次再試其他口味~