影片
更多
2021-01-10
41 浏览
對fusion菜一向情有獨鍾，喺飲食誌推介以及友人邀請下，慕名去試泰式流心牛角包。可能新開業，服務認真麻麻。早早訂咗位，準時到達，店內已接近滿座。入口處只有一個位置排隊，想向店員示意有訂枱，店員們都好有默契咁向一個貌似店長嘅請示，而店長似乎唔多想理會排隊的客人😂。等等，店內明明仲有空座，處理上需要咁有架構😂？等左十分鐘左右，排隊時前面仲有一對女生，有個直接行去店長度問要等幾耐，店長禮貌麻麻咁話訂咗都要等😅，ok,咁照等啦。到排隊已經有成十幾人時，店長終於施施然安排入坐。當時已經等咗40分鐘，同排後面walk-in嘅同時間入座。一場嚟到又等咁耐，自然希望食多啲。點了兩個4-course set。 牛角包方面冬蔭龍蝦湯同法式龍蝦湯各點了一個，starter方面要了燒生蠔同埋沙嗲雞串，main course點了冬蔭龍蝦汁燴海鮮，以及鍋炒帕能咖哩雞。甜品就要兩個Ceme Brulee。飲品唔跟推介，選了hot chocolate以及sesame latte。唔駛五分鐘，食物到。驟眼睇相片無乜問題，其實就係問題所在😂。所有菜都係一炮過出晒。呢度係先上主菜，再上牛角包，再黎前菜(?)。前後相隔唔駛
可能新開業，服務認真麻麻。早早訂咗位，準時到達，店內已接近滿座。入口處只有一個位置排隊，想向店員示意有訂枱，店員們都好有默契咁向一個貌似店長嘅請示，而店長似乎唔多想理會排隊的客人😂。等等，店內明明仲有空座，處理上需要咁有架構😂？
等左十分鐘左右，排隊時前面仲有一對女生，有個直接行去店長度問要等幾耐，店長禮貌麻麻咁話訂咗都要等😅，ok,咁照等啦。到排隊已經有成十幾人時，店長終於施施然安排入坐。當時已經等咗40分鐘，同排後面walk-in嘅同時間入座。
一場嚟到又等咁耐，自然希望食多啲。點了兩個4-course set。 牛角包方面冬蔭龍蝦湯同法式龍蝦湯各點了一個，starter方面要了燒生蠔同埋沙嗲雞串，main course點了冬蔭龍蝦汁燴海鮮，以及鍋炒帕能咖哩雞。甜品就要兩個Ceme Brulee。飲品唔跟推介，選了hot chocolate以及sesame latte。
唔駛五分鐘，食物到。驟眼睇相片無乜問題，其實就係問題所在😂。所有菜都係一炮過出晒。呢度係先上主菜，再上牛角包，再黎前菜(?)。前後相隔唔駛兩分鐘。基本上食完個牛角包，其他野都已經凍咗😑。牛角包的確係一絕。本身牛角包配湯已經係非常好嘅配搭，將湯置入牛角包本身，湯嘅溫度保持喺最佳嘅狀態，入口非常燙熱鬆脆，非常美味👍。
至於其他菜色，基本上食到時已經稱唔上係熱，甚至食到飯時，主菜已經只係暖暖地。味道上唔覺有咩特別fusion，可能煮法上有唔同，但水準其實只係一般，但以番價錢而言，勉強都可以叫正常發揮。
Sesame latte
2 浏览
0 赞好
0 留言
Sesame latte同飲水一樣地清淡。
焦糖燉蛋
0 浏览
0 赞好
0 留言
甜品基本上要叫埋單先肯上菜😂。焦糖稍為過硬，但整體水準同高級西餐廳持平，但若然點多個牛角包唔點呢款，可能體驗會更好。
整體而言流心牛角包的確非常值得一試👍。但服務上唔好期望有同級水平。服務流程上改善空間好大，去到埋單用PayMe時，收到錢阿店長都係唔會直接同客人講🙄，要叫個員工同客人轉述，乜同人交流對店長咁難咩😂？真係要正視下喇。
张贴
