南瀛水產

閨蜜生日想食日式浜燒，即刻諗起尖沙咀南瀛水產，之前食過幾次都好滿意~餐廳寬敞舒適，裝潢具心思，設大魚缸、滿佈酒瓶，好有日式居酒屋格局感覺。蕃茄沙律原個蕃茄厚切好有咬口，淋上醋酸酸甜甜夠哂fresh，底層沙律菜新鮮爽脆。燒鯖魚鯖魚營養價值高，充滿Omega-3脂肪酸~燒至外脆內軟，魚肉鮮味十足好嫩滑，食落啖啖肉勁滋味!雲丹蟹肉卷 $228 招牌菜式之一，海膽蟹肉卷再配黑松露，蟹肉鮮甜、海膽嫩滑細膩，再配上黑松露，鮮甜味美，口感層次極度豐富!活貝盛合有齊多款時令海鮮，夠哂新鮮!包括日本蠔、大元貝、鮑魚、蜆，店員協助即燒，風味十足~推薦爽身厚肉又鮮甜既鮑魚、肉質細緻爽滑既日本蠔。真鯛刺身晶瑩透薄勁吸引，魚肉緊實甘爽勁鮮甜!牛肉烏冬熱辣辣暖胃一流，牛肉份量十足，味道香濃嫩滑多汁，烏冬彈牙爽口好有嚼勁。飲品揀左青蘋果乳酸同芒果乳酸，味道酸酸甜甜夠哂FRESH，冰涼解膩。