影片
更多
2017-08-27
96 浏览
颱風「天鴿」走左之後，今日放工就同同事出旺角搵野食，順便放鬆下行經旺角彌敦道726號，見到好多餐廳，選擇非常多，有西餐，雞煲火鍋，韓國野，仲有法國菜等等。最後，同同事決定食泰國野一上到2樓，已經充滿泰國特色，門口放左啲佛像，又放左啲餐廳卡片，可以俾人隨便攞。餐廳以大自然色系為主，除左啲櫈係綠色既，好搶眼之外，四周都有啲假草同花Bar 枱放滿椰青，而啲杯都放得好整齊枱上既餐具都幾乾淨企理。先黎個冬䕃公鮮蝦湯 （＄88細）以為會好辣，但飲落似為香港人而調較過辣度，湯底小辣中帶點酸甜，幾開胃配料除左有蝦之外，亦都有啲菇，仲有泰國既香料雖然揀左細碗，但都夠我地一人飲兩碗啦其實呢間泰國野，混合埋印度野。所以，我地都叫左黃咖哩牛根腩（＄88）咖哩味香噴噴，幾吸引用匙羹一撈，入面好足料，牛根腩數目多，仲有薯仔牛根腩幾入味，食落口唔韌，幾有咬口，薯仔都一樣入味，仲唔會好淋添個黃咖哩汁真係幾好味，所以特登叫左印度油酥餅（＄35）Wow，印度油酥餅唔會好熱，易拎上手，同埋好香口又煙韌，就咁食都唔錯，但配埋黃咖哩汁一齊食更正如果印度油酥餅再多啲就好啦我地兩個眼闊肚窄既人，竟然叫左一個飯一碟粉，勁誇張原個菠蘿
行經旺角彌敦道726號，見到好多餐廳，選擇非常多，有西餐，雞煲火鍋，韓國野，仲有法國菜等等。
最後，同同事決定食泰國野
一上到2樓，已經充滿泰國特色，門口放左啲佛像，又放左啲餐廳卡片，可以俾人隨便攞。
餐廳以大自然色系為主，除左啲櫈係綠色既，好搶眼之外，四周都有啲假草同花
Bar 枱放滿椰青，而啲杯都放得好整齊
枱上既餐具都幾乾淨企理。
先黎個冬䕃公鮮蝦湯 （＄88細）以為會好辣，但飲落似為香港人而調較過辣度，湯底小辣中帶點酸甜，幾開胃
配料除左有蝦之外，亦都有啲菇，仲有泰國既香料
雖然揀左細碗，但都夠我地一人飲兩碗啦
其實呢間泰國野，混合埋印度野。所以，我地都叫左黃咖哩牛根腩（＄88）
咖哩味香噴噴，幾吸引
用匙羹一撈，入面好足料，牛根腩數目多，仲有薯仔
牛根腩幾入味，食落口唔韌，幾有咬口，薯仔都一樣入味，仲唔會好淋添
個黃咖哩汁真係幾好味，所以特登叫左印度油酥餅（＄35）
Wow，印度油酥餅唔會好熱，易拎上手，同埋好香口又煙韌，就咁食都唔錯，但配埋黃咖哩汁一齊食更正
如果印度油酥餅再多啲就好啦
我地兩個眼闊肚窄既人，竟然叫左一個飯一碟粉，勁誇張
原個菠蘿海鮮炒飯 （＄92）好大碟丫，成坐山咁高
上面有肉鬆，有蝦，有青口，有魷魚等海鮮，仲有菠蘿粒，幾甜喎
實在太大碟啦，我地食唔曬丫，結果打包左個菠蘿海鮮炒飯
印尼海鮮炒貴刁（＄82）有兩條椒架，但原來都係調較過黎，所以都係有微微辣度
呢碟貴刁既料足（同個海鮮飯既海鮮一樣），而且又香口入味，但多左較生既芽菜，同其他配菜，我同同事食食下就清左
食左咁多野，先400幾蚊，都幾平丫
张贴
