摩登堂 (荃灣廣場) (已結業)

今日朋友約我去荃灣廣場3樓摩登堂吃泰菜。摩登堂的泰式主食，泰式燒烤，泰國街頭小食，涼盤/沙律等都有好多選擇，如你喜歡酸香辣的菜式，你一定會滿意。另外，甜品和飲品都好吸引。手工無骨海南雞新鮮，例牌都大碟，雞肉香滑，好食。炭燒蜂蜜醬烤豬頸肉我鐘意食，甜甜地香脆惹味。馬拉盞炒通菜鹹香微辣惹味，又爽脆。冬陰功紅蝦湯酸辣香令人好開胃，海鮮配料足，蝦，青口和魷魚都啱我口味。凍元祖泰奶茶茶味特別，甜度適中。鮮芒生椰楊枝金露椰汁味濃。雖然好飽，朋友叫埋焦糖嘉年華丹麥厚多士。多士香脆，加埋焦糖和雪糕好味，值得等20分鐘。店座位舒適，店員服務態度好。