泰皇閣泰國菜館 (已搬遷) 新店位置

今日朋友帶咗我去九龍城食泰國野，朋友話上次食過幾好食所以今次就帶左我黎食，餐廳嗰度如果係比現金埋單就會送一條燒烏頭比我地，真係意想不到。食物收費都算合理，叫左泰式柚子沙律、生蝦刺身、小食拼盤、馬拉盞炒芥菜、蛋包鮮蝦金邊粉、焗椰青海鮮炒飯同椰汁珍多冰。泰式柚子沙律整得好好食一定要叫。👍🏻👍🏻👍🏻生蝦刺身雖然隻數比出面其他餐廳少，但每隻都好大隻啖啖肉，可見餐廳係重質不重量。焗椰青海鮮炒飯整得幾好食，不過可惜份量偏少。燒烏頭雖然係送既，但無話因爲送而整得求求其其，抵讚。飲品大家一定要試椰汁珍多冰，超正。總括嚟講餐廳食物真係好好，但可惜因為可能餐廳唔夠人做野，所以每樣食物包括飲品都上得好慢。