影片
更多
2025-06-06
462 浏览
除左日式美食，泰國菜應該係我第二大飲食喜好。而呢間餐廳，我已經嚟過好多次，鍾意佢地點就腳方便，價錢親民，仲要質素唔差。泰式火山排骨（$118）喺泰國食過一次就念念不忘，在香港已經喺唔同食店都食過，但都仲係未食得返泰國嘅地道風味。呢度都係一樣，同泰國食嘅感覺好唔一樣，不過其中可取嘅係呢度無泰國或香港其他食肆做得咁辣，其他地方食到嘅都會見到堆得滿滿嘅辣椒粒，但呢度無，所以啱晒想食但又唔食得辣嘅我。飛天炒通菜 （$68）好大碟勁抵食。泰式豆醬同魚露令通菜既香口又惹味，配白飯食應該仲正。泰式濕炒河粉(牛肉)（$69）下次可以再叫嘅主食，因為有我鍾意食嘅闊邊河粉。配菜有勁多蔬菜，紅蘿蔔、粟米芯、椰菜、菇菌、芥蘭。鍾意食菜，又要懶係飲食均勻多菜少肉嘅必然之選。除左配菜之外，其實味道都唔錯，配埋少少泰式辣椒粉一齊食，可以輕易再想食第二碗，第三碗。每次嚟都必食芒果糯米飯 （$68）糯米飯夠香，軟糯口感適中，配搭唔會太甜嘅椰漿同食，Perfect ！當然又甜又香嘅芒果令呢個甜品更值得加分啦。呢間泰國菜館食物質素唔算頂級美食，但價錢完勝，而且味道偶有佳作，值得再回頭幫襯，不過建議先致電訂位，晚飯時間幾乎滿
泰式火山排骨（$118）
喺泰國食過一次就念念不忘，在香港已經喺唔同食店都食過，但都仲係未食得返泰國嘅地道風味。呢度都係一樣，同泰國食嘅感覺好唔一樣，不過其中可取嘅係呢度無泰國或香港其他食肆做得咁辣，其他地方食到嘅都會見到堆得滿滿嘅辣椒粒，但呢度無，所以啱晒想食但又唔食得辣嘅我。
飛天炒通菜 （$68）
好大碟勁抵食。泰式豆醬同魚露令通菜既香口又惹味，配白飯食應該仲正。
泰式濕炒河粉(牛肉)（$69）
下次可以再叫嘅主食，因為有我鍾意食嘅闊邊河粉。配菜有勁多蔬菜，紅蘿蔔、粟米芯、椰菜、菇菌、芥蘭。鍾意食菜，又要懶係飲食均勻多菜少肉嘅必然之選。除左配菜之外，其實味道都唔錯，配埋少少泰式辣椒粉一齊食，可以輕易再想食第二碗，第三碗。
每次嚟都必食芒果糯米飯 （$68）
糯米飯夠香，軟糯口感適中，配搭唔會太甜嘅椰漿同食，Perfect ！當然又甜又香嘅芒果令呢個甜品更值得加分啦。
呢間泰國菜館食物質素唔算頂級美食，但價錢完勝，而且味道偶有佳作，值得再回頭幫襯，不過建議先致電訂位，晚飯時間幾乎滿座。
张贴
