影片
更多
2018-06-09
64 浏览
旺角食野，好多時都係放題西餐燒肉，食泰國野真係好少，之前都係覺得九龍城比較多泰國野食。今次去呢間阿來泰式，抱住半期待半隨緣既心態去。佢總共有兩層食野既地方，9點半左右去到都仲係爆場等左陣就安排左我地上去樓上坐。冷氣係幾足既，格局似大排檔既feel，樓上有枱10幾人聚會，可能飲左酒，超級嘈。不過唔係西餐環境，冇乜所謂啦-menu好多都有圖，野食種類多，正常泰國野都有得食-今次我地好快就決定到食咩啦，原本以為會唔夠飽，點知...🤦🏻♀️🤦🏻♀️🤦🏻♀️椰青椰青大大隻，甜度適中，不過有d「青」味，但食完野飲，味道又唔會突兀喎-海南無骨雞飯賣相平平無奇，唔知係咪要做無骨既效果，雞肉既份量比較少，有好幾舊都係得皮咁濟。講返味道，雞味好出啵，油飯軟硬度適中，我同男朋友兩個都滿意（我鐘意軟飯，佢鐘意硬飯）。-生菜包第一次上枱既時候，d菜係好似未洗過咁，好污漕，我地叫侍應拎返去洗洗佢，佢即刻話幫我地換過算佢啦，都叫做有服務態度。佢既肉碎完全唔辣（我地叫左小辣），味道偏酸，檸檬葉味都好重，對於鐘意酸既我，覺得好岩口味配埋生菜去食，唔會太滯-青咖哩雞點講呢，雞既份量其實真係好少，好細舊，8舊以內，要搵好耐
今次去呢間阿來泰式，抱住半期待半隨緣既心態去。
佢總共有兩層食野既地方，9點半左右去到都仲係爆場等左陣就安排左我地上去樓上坐。
冷氣係幾足既，格局似大排檔既feel，樓上有枱10幾人聚會，可能飲左酒，超級嘈。不過唔係西餐環境，冇乜所謂啦
-
menu好多都有圖，野食種類多，正常泰國野都有得食
-
今次我地好快就決定到食咩啦，原本以為會唔夠飽，點知...🤦🏻♀️🤦🏻♀️🤦🏻♀️
椰青
椰青大大隻，甜度適中，不過有d「青」味，但食完野飲，味道又唔會突兀喎
-
海南無骨雞飯
賣相平平無奇，唔知係咪要做無骨既效果，雞肉既份量比較少，有好幾舊都係得皮咁濟。講返味道，雞味好出啵，油飯軟硬度適中，我同男朋友兩個都滿意（我鐘意軟飯，佢鐘意硬飯）。
-
生菜包
第一次上枱既時候，d菜係好似未洗過咁，好污漕，我地叫侍應拎返去洗洗佢，佢即刻話幫我地換過算佢啦，都叫做有服務態度。
佢既肉碎完全唔辣（我地叫左小辣），味道偏酸，檸檬葉味都好重，對於鐘意酸既我，覺得好岩口味配埋生菜去食，唔會太滯
-
青咖哩雞
點講呢，雞既份量其實真係好少，好細舊，8舊以內，要搵好耐先搵到。但係佢既青咖哩好味辣度好夠，好香又惹味，我地兩個不約而同用黎撈飯
-
鐵板蠔仔蛋
呢個真係好抵食78蚊份量十足‼️蛋味濃郁，蠔一d都唔腥，我地筷子不期然不停咁夾黎食
不過實在太多啦，兩個人食好飽😅😅
-
成餐飯飽左我地兩個鐘咁濟，食左咁多樣野都係300蚊左右，真係算抵啦。不過果到衛生就好似差少少...-
話說叫完野食，個侍應忽然拎住條毛巾，紮哂馬咁拍張枱，我地完全唔知佢拍緊咩，淨係知佢冇拍中，因為佢依然嚴陣以待咁望住四圍，佢打緊咩？我唔知，亦唔想知，就等佢成為我成餐飯最大既一個迷啦
张贴
