珍姐泰國菜館

营业中

休息中

朋友介紹呢一間位於藍田匯景商場嘅泰國菜，終於試咗，味道唔錯，最有驚喜係佢嘅泰式烤魚。佢呢個泰式烤魚揀選嘅係鯽魚，都幾大條，侍應姐姐話因為即叫即燒，所以要等大約40至45分鐘，問我哋介唔介意，因為個朋友話好好食，所以梗係唔介意等啦，結果呢條烤魚非常有驚喜，首先佢外面係用鹽醃住再焗住嚟燒，有啲似鹽焗雞嘅做法，魚入面塞咗好多香料，所以燒出嚟啲魚肉有一陣特別嘅香味。另外嗌咗杯龍眼冰嚟飲，估唔到有咁多龍眼。