珍姐泰國菜館

营业中

休息中

呢個廚師精選套餐份量真係非常之多，話就話四人餐，但係我哋四個人根本食唔曬。先嚟兩個小食，分別係泰式酸辣無骨鳳爪同埋泰式炸蝦餅。馬拉盞炒通菜同埋泰式炒雜菜可以二選一，我哋揀咗馬拉盞炒通菜。跟住可以揀半隻海南雞或者泰式豬手，我哋揀咗海南雞，隻雞都幾靚而且唔係好肥，啲雞肉都幾滑。跟住仲有一條魚，可以揀泰式明爐烏頭或者鹽燒鰂魚，我哋揀咗鰂魚，個侍應好好人，知道我哋叫呢個餐就即刻問我哋會唔會叫燒魚，因為條魚要燒差唔多45分鐘，所以如果我哋叫鹽燒鰂魚就即刻叫師傅開始燒，認真細心。條魚都幾厚身，所以好處就係大條，唔好處就係好難燒得夠乾身。跟住仲有一個咖哩炒蝦球，蝦球都ok不過我想講佢啲配菜嘅味道畀蝦球更加出色，尤其是佢啲洋蔥青椒撈咗咖哩汁真係好正。主食就可以揀蒜蓉包或者印度薄餅，我哋要咗印度薄餅，呢個就一般啲，其實我覺得應該配白飯更加正，話曬都有咁多餸送飯。呢個餐竟然仲有甜品，就係芒果糯米飯，佢嘅芒果糯米飯都整得幾好食。最後梗係有飲品四杯啦，叫特飲竟然唔使加錢真係好開心，呢度個珍多冰同埋龍眼冰都正，尤其是龍眼冰竟然畀咁多龍眼，呢個餐真係超值。

Dinner Time幫襯就梗係叫返Set Dinner最抵啦，叫了泰式豬脾飯同埋香葉辣椒肉碎煎蛋飯，有埋餐飲，合共$147。呢度嘅泰式豬脾飯同出面最唔同嘅地方就係呢一間的泰式豬脾比較瘦，無乜肥膏，就係因為無乜肥膏，所以就可以好大膽咁樣食個豬脾嘅皮，非常有彈性，感覺好像有豐富嘅骨膠原，個底墊咗梅菜，配豬脾真係一絕，另外仲有滷水蛋。香葉辣椒肉碎煎蛋飯好香口好惹味，雖然叫做辣椒不過其實唔係好辣，撈白飯同煎蛋就真係唔錯。

藍田地鐵站附近不嬲多野食，但藍田人話我知，講好食泰菜，一定係呢間！咁犀利，要黎試下啦炸蝦餅有6粒，味道上不過不失，但勝在真係非常熱辣辣！外皮又脆，口感一流海南雞又滑又大份，冇咁多形容詞啦大家都知海南雞咩味，總之正！豬手，超 多 肉！😂好似食極食唔完咁，好入味好正，呢個大滿足，必嗌呢個除非好想點咖喱，否則唔洗試偏辣😂怕辣小心，不過鳳爪多！好過癮！正正常常炒雜菜，少少芡汁但唔多，ok咖哩軟殼蟹，超多蟹！極抵嗌！啲汁偏椰，個人好愛好少可青木瓜沙律咁多青木瓜🥹🫶🏻正總體而言，有下次！

同同事食生日飯、同事好喜歡食魚、所以就搵了間食魚很出名的泰國餐廳、這間食鹽燒魚很出名的、所以來試試🤣鹽燒鰂魚🌟🌟🌟🌟🤍鰂魚肉質鮮嫩，搭配鹽燒的烹調方式，帶出魚肉的鮮甜味道。鰂魚經過鹽燒後，外皮酥脆，內裡保持了豐富的汁水，這道菜色澤金黃，香氣撲鼻，入口鮮美。不過味道較淡。泰皇咖哩炒蝦球🌟🌟🌟🌟🌟泰式風味的美食，蝦球鮮嫩彈牙，搭配濃郁的咖哩醬汁，帶有香料的香氣，讓人垂涎欲滴。這道菜口感豐富，咖哩的微辣與蝦球的鮮甜相得益彰。秘製海南雞半隻🌟🌟🌟🤍🤍雞肉鮮嫩多汁，皮薄肉嫩，搭配特製的醬汁，香氣撲鼻，保留了雞肉的原汁原味。泰式刺身生蝦 🌟🌟🌟🤍🤍清新爽口的料理，生蝦鮮甜彈牙，搭配泰式醬汁和香料，帶有微辣的風味。不過不夠新鮮。芒果糯米飯🌟🌟🌟🌟🤍這道菜微暖糯米飯口感Q彈，搭配芒果的酸甜滋味，椰漿的香氣與椰絲的香脆，為這道甜點增添了層次感。

比想像中份量大好多，調味都幾重！味道都有迎合香港人做出調整個燒雞我覺得好好味，然後個醉貓炒麵都好唔錯可以揀金邊粉、河粉同埋唔記得咩麵🤣另外佢有堂食餐或者二人餐/四人餐都好抵，夜晚佢都幾爆場！

呢間茶餐廳主打泰國菜，三個人幫襯叫咗個二人套餐，諗住唔夠先再奇加野，點知個二人餐超大份，三個人都飽飽。小食二選一，可以揀泰式香茅雞翼或者泰式炸蝦餅，我哋就揀咗炸蝦餅，一有兩件完整嘅，再切開一半，點太識甜酸醬。另一個小食就係泰式酸辣無骨鳳爪，其實都係只有少少辣，而且個辣味主要係來自啲生洋蔥。蔬菜又係二選一，可以揀唔辣嘅泰式炒雜菜，或者佢話辣嘅馬拉盞炒通菜，我哋就揀咗唔辣嘅炒雜菜，味道正常發揮啦。主菜可以揀泰式青咖哩雞或者紅咖哩鴨胸，因為唔想食鴨胸所以揀咗青咖哩雞，啲雞已雞髀肉為主，個青咖哩汁都幾好味。跟兩碗白飯同埋兩杯特飲，$280落樓，每人一百蚊都唔使，幾抵食。

今日咁啱個個都唔得閒陪我食飯，只好食一餐孤獨飯。踏入餐廳的那一刻，濃郁的香料味撲面而來，瞬間將您帶入了異國風情中。起初有一絲獨自用餐的不愉快，但很快被周圍舒適的氛圍撫平，反而感受到一種難得的寧靜，可以專注於自己的思緒和當下的美食，可以完全按照自己的節奏和選擇享受這頓晚飯。主菜：青咖喱牛肉醬汁看起來質地濃稠豐富，用了多種香料調配而成的醬汁(香茅、南姜、青柠葉、椰奶、蒜、姜、芫荽籽和小茴香等)，這些香料和調味料混合在一起，創造出青咖喱獨特的複雜風味。它不僅提供了豐富的味道層次，還賦予了這道菜特有的綠色。材料充足，大大件的牛肉塊和各種蔬菜，包括胡蘿白和椰菜花。配菜：蒜蓉麵包放在編織籃子裏，有4片麵包，呈金黃色，烤得恰到好處。這頓獨自的晚餐成為了一次美妙的自我犒賞和放鬆的時光，不僅滿足了我的味蕾，也給了我一個與自己獨處、放鬆身心的機會，這個體驗讓平凡的晚餐時光變得特別而難忘。#香港美食#支持小店#藍田#珍姐#泰國菜#青咖哩

美味隱世豬手飯～😋🤤😍👍今日收工約小寶貝晚飯～唸咗好耐都唔知食mak好～突然好想食豬紅🫢(都好耐無食了)～於是就決定去位於藍田地鐵站匯景商場嘅珍姐泰國菜館～💃我之前嚟親最鍾意食佢哋嘅豬紅～今次就嚟試吓佢哋嘅豬手飯(之前見差唔多嚟幫親堂食或者叫外賣嘅大部份都係叫豬手飯)～🫢👉泰式無骨豬手飯～無骨豬手既淋又入味～口咁軟糯～配上鹹酸菜減低咗油膩～美味～必食推介～😍👉乾炒泰式豬肉河粉～至愛flat noodle～炒得好有鑊氣～👍👉朱紅～每次必食～😍👉龍眼冰👉芒果椰果冰#珍姐泰國菜館#藍田美食#mobilefoodphotography

珍姐泰國菜館好耐無食泰國野啦，珍姐呢個名當然唔陌生啦！**香葉辣椒肉碎煎蛋飯雖然係外賣令走，温度都keep到，食既時候都暖暖的！肉碎唔會太辣適合不好辣既人，味道唔錯。配杯青檸梳打飲，好fresh**豬肉串燒沙嗲

住藍田嘅人先知道，全部菜式都好高質，行過就咁食個炒飯都好滿足。不過啲嘢食可能偏油，未必個個都鍾意食。佢嗰個豬頸肉炒飯，我耐唔耐都會食。🥰🥰🥰真正嘅平靚正！

4:00 幾去食 仲有lunch👍1/2 張枱通菜係比一般泰國餐廳炒得辣 但我接受 中意既 👍👍👍豬手金邊粉好味呀 夠淋 $50 入味 粉多 👍👍炸蝦餅 正常水準 好👍 甘良心價錢，甘多人手 又好味 少有 要支持👍

今晚幫襯咗一間性價比高嘅泰國餐廳，一共叫咗四樣嘢食，整體都唔錯，係個咖哩蝦球強差人意。青木瓜沙律用料新鮮，啲青木瓜絲好爽口，少少辣，好開胃。咖哩蝦球個咖哩汁同埋配料好味，撈飯一流，可惜個蝦球麻麻地。信帶一題，呢度仲有蒜蓉包同埋印度薄餅可以叫嚟點咖哩汁。呢個炒椰菜苗好好食，用蒜蓉炒好香口。泰式海南雞飯好好食，海南雞夠香夠滑又唔會好肥，三片青瓜爽口清新，配幾粒豬紅又幾盞鬼，可以揀白飯或者油飯，我就諗住健康啲所以揀白飯。

朋友介紹呢一間位於藍田匯景商場嘅泰國菜，終於試咗，味道唔錯，最有驚喜係佢嘅泰式烤魚。佢呢個泰式烤魚揀選嘅係鯽魚，都幾大條，侍應姐姐話因為即叫即燒，所以要等大約40至45分鐘，問我哋介唔介意，因為個朋友話好好食，所以梗係唔介意等啦，結果呢條烤魚非常有驚喜，首先佢外面係用鹽醃住再焗住嚟燒，有啲似鹽焗雞嘅做法，魚入面塞咗好多香料，所以燒出嚟啲魚肉有一陣特別嘅香味。另外嗌咗杯龍眼冰嚟飲，估唔到有咁多龍眼。

藍田地鐵站一出，珍姐泰國菜都喺藍田超過10幾年了！老字號餐廳！食過好好多次 ，可能都超過二三十次，😄😄 餐廳既食物水準真係永遠都保持到，份量同用料都係用心，食材新鮮

【118】用家自費分享Walk In 唔使等，三成滿。8️⃣0️⃣CP值，2023/11/13/一/19:09，平日晚餐時段，三人埋單免加一共$529，平均每人$176。商場最高層最入位置，要搵下先得，裝修正正常常，感覺都乾淨，招呼有禮，落單上菜都快，整體好味及分量算大，值得再去。6️⃣0️⃣泰式鐵板蠔仔蛋$88，可能底墊太多芽菜，有啲汁，個人覺得再乾身啲會更好。8️⃣0️⃣泰式豬脾飯$72，好淋好滑，夠味。8️⃣0️⃣泰式炸蝦餅$66，好有蝦味，好脆。7️⃣0️⃣串燒沙嗲$80，燒得乾咗小小，沙爹汁好好味，可惜比得少。6️⃣0️⃣馬拉盞炒通菜$63，偏鹹咗少少。8️⃣0️⃣冬蔭公大頭蝦湯（小) $75，又多料又好味。6️⃣0️⃣蒜蓉法包，正常。7️⃣0️⃣跟餐另加$10龍眼冰，好夠味。6️⃣0️⃣青檸梳打$28，正常。5️⃣0️⃣罐裝可樂$15