影片
更多
2024-12-04
715 浏览
天氣轉冷打邊爐係最適合不過。約左黎左泰·初夏食火鍋放題。餐廳喺荃灣愉景新城，餐廳環境都寬敞。呢度嘅火鍋放題係走泰式風，但係同港式一樣都有雞煲+火鍋放題嘅組合，幾特別！今次食嘅套餐係雞煲+牛板腱火鍋放題，任食120分鐘。無論係雞煲嘅雞件同火鍋配料包括5款肉類都係任食。肉類選擇有精選牛板腱、牛胸爽、澳洲250日穀飼卡樂Beef、西班牙粟心豚肉片、酒嫩雞件。QR code落單仲有其他火鍋配料同埋好多款式嘅泰式小食、泰式飲品選擇！自助區亦有唔同類型嘅蔬菜、麵、丸、菇等，即食嘅有泰式前菜同幾款炸物、泰式甜品等，選擇好多好吸引。一開始先食雞煲，同港式嘅調味唔同，走泰風，甜甜辣辣嘅味道！小辣嘅辣度啱啱好，好惹味，雞肉都好肥嫩。湯底可以揀兩款做鴛鴦鍋，揀左泰式冬陰功同埋椰汁雞湯底。兩款湯底都幾有泰式風味，有泰式香料嘅味道，泰式冬陰功嗰邊嘅辣度都啱啱好，不過個湯本身就無咩料嘅，要靠之後打邊爐嘅配料！食左一轉肉各一碟，肉類質素比想像中高，尤其係牛板腱，肉質軟又鮮嫩。牛胸爽牛脂香突出帶點爽口！其他配料主要都係蔬菜、響鈴等，因為反而食泰式小食同前菜仲多！小食仲有沙爹串燒、泰式豬手、豬頸肉等，自助區都有春捲、炸
約左黎左泰·初夏食火鍋放題。
餐廳喺荃灣愉景新城，餐廳環境都寬敞。
呢度嘅火鍋放題係走泰式風，但係同港式一樣都有雞煲+火鍋放題嘅組合，幾特別！今次食嘅套餐係雞煲+牛板腱火鍋放題，任食120分鐘。
無論係雞煲嘅雞件同火鍋配料包括5款肉類都係任食。肉類選擇有精選牛板腱、牛胸爽、澳洲250日穀飼卡樂Beef、西班牙粟心豚肉片、酒嫩雞件。
QR code落單仲有其他火鍋配料同埋好多款式嘅泰式小食、泰式飲品選擇！自助區亦有唔同類型嘅蔬菜、麵、丸、菇等，即食嘅有泰式前菜同幾款炸物、泰式甜品等，選擇好多好吸引。
一開始先食雞煲，同港式嘅調味唔同，走泰風，甜甜辣辣嘅味道！小辣嘅辣度啱啱好，好惹味，雞肉都好肥嫩。
湯底可以揀兩款做鴛鴦鍋，揀左泰式冬陰功同埋椰汁雞湯底。
兩款湯底都幾有泰式風味，有泰式香料嘅味道，泰式冬陰功嗰邊嘅辣度都啱啱好，不過個湯本身就無咩料嘅，要靠之後打邊爐嘅配料！食左一轉肉各一碟，肉類質素比想像中高，尤其係牛板腱，肉質軟又鮮嫩。
牛胸爽牛脂香突出帶點爽口！其他配料主要都係蔬菜、響鈴等，因為反而食泰式小食同前菜仲多！
小食仲有沙爹串燒、泰式豬手、豬頸肉等，自助區都有春捲、炸魚餅等，整體質素唔錯。
最中意係豬頸肉同泰式豬手，豬手好入味又好腍，配酸辣醬好正。串燒如果多啲沙爹醬會更好！
泰式甜品有椰汁西米糕，好好味忍唔住食左幾件。
泰式飲品就有泰式奶茶、青檸梳打、龍眼冰等等超多款選擇，亦有港式飲品、咖啡/茶之類選擇！
张贴
