象泰 (已結業)

#屯門遊 泰式料理小店【泰象】-假日去屯門搵食，見到間小店一直想試好耐，巧合地呢個時段又無乜人。-去到點左《半隻海南雞配油飯》$98上菜速度都算快，但套餐寫明既油飯就無左，變成白飯。再問店員表示油飯起碼等幾個鐘先有，態度略為敷衍。表示失望☹ 海南雞無油飯就好似軀體無左個靈魂咁😭😭😭 而且雞肉普通，有小小嚡，唔夠嫩滑。好似俾貴價食一個普通雞飯咁🤦🏻‍♀《泰式辣椒膏炒青口》$88無可否認個醬汁係幾惹味，青口都煮得唔韌。但個青口完全入唔到味，要每件點汁先叫有味。清淡派既親都幾適合既😮😮《泰式炸蝦餅》$68係最普通既一樣食物，無乜驚喜。炸蝦餅唔夠新鮮，食落無乜蝦味，而且食多幾舊個感覺都幾濟下🌞-整體來講，環境係唔錯既。侍應會不停幫你換碟，但無油飯就失望左啲，加上咁既價錢都幾貴😨😨😨 一個人平均$120到，服務態度同食物質素都麻麻地🙃 成餐飯俾左好貴既價錢又唔知食梗乜咁。想試既親要考慮下喇💨中伏指數：9/10打卡指數：1/10推介指數：0/10性價比：0/10