船皇 (厚福街) (已結業)

船皇泰式船河近來在香港都幾熱門，有很多專門店相繼開張，這間在尖沙咀食街厚福街的船皇也是其中一間，適逢我同朋友都想食泰菜，咁啱在附近就試試它。店面不是很大，座位數都不多，只有個粉麵檔和十數張檯，不過裝修都幾有泰國感覺，還掛了很多自家食品的相片，都幾吸引^_^餐牌上真的不算多選擇，主要就是湯麵、撈麵、串燒、小食和飲品，雖然不多，但好多我都想食，同埋其實麵類有4款選擇，要睇睇餐牌後面！叫了一個牛肉湯河，一個牛肉撈河，都超快來到 兩個都好足料，牛腩、牛丸、牛肉片都有，仲有超有泰國特色的炸豬皮，所以我覺得叫湯比撈好，可以浸下個豬皮再食會好食點！如果麵底我都好推薦個河粉，因為佢比市面上其他河厚身有韌度，口感好唔錯，值得一試另外點了柚子檸檬梳打同青檸梳打，味道調得唔錯嘅，個造型好特別，非常有泰國特色還點了一些串燒，分別是菠蘿、牛舌和豬肉丸，最估唔到的是豬肉丸跑出，非常之多汁🤤另外一提，這裡的辣度其實好低，大辣我覺得啱啱好😂