享慢煮泰 (已結業)

今日去咗西環探朋友，之後就落咗去隔離嘅堅尼地城度搵食 😋 堅尼地城都有幾多特色餐廳，最後揀咗呢間泰國餐廳，試咗個泰式下午茶。😋 叫咗 Afternoon Tea Set ($258/兩位)。跟餐每款流心牛角包只需加 $28 蚊就可以食到，叫咗龍蝦湯味同泰式奶茶味。自己揀咗龍蝦湯，牛角包口感酥鬆香脆，一切開時味道濃郁嘅龍蝦湯隨即流哂出嚟，真係好鬼死正。🤤估唔到呢個 Tea Set 都幾特別有海鮮食啱哂我。🥰最上層係生蠔同扇貝。中層就係蟹肉牛油果多士、黑松露春卷、豬頸肉包。下層就有幾款甜品，每款甜品都唔錯，味道唔會太甜。整體嚟講呢餐自己都幾鍾意 🥰 加上假日都只係收呢個價錢真係相當吸引。