季稻 (已結業)

🍴泰式炒椰菜苗椰菜苗夠脆嫩，以魚露、蒜蓉、辣椒爆炒，香噴噴十分惹味。🍴泰式燒蝦未咬落去啲蝦膏已經漏緊，蝦肉厚實，散發燒烤香氣。🍴泰式腰果炒雞丁腰果夠脆，雞肉亦夠滑，唔會炒得太濕，沾滿甜絲絲嘅醬汁，加上輕微辣勁，確係一道滋味嘅泰國家常菜，送飯一流。🍴蟹肉炒飯蟹肉分量雖多，但真正令我讚嘆嘅係鑊氣，飯粒炒得乾爽，粒粒分明，簡單以椒鹽調味，絕對係鑊氣嘅好拍檔。🍴香芒椰汁糯米飯、椰汁紅寶石兩款都係泰國傳統甜品，糯米飯香口軟糯，淨係糯米飯已經好好食，少許鹹香更能帶出芒果鮮甜。紅寶石由木薯粉包住馬蹄製成，外層煙韌，內裡爽口，椰汁冰涼香甜，愈咬愈過癮。🍴泰式椰奶特飲、阿華田恐龍椰奶特飲以鮮椰子製作，天然嘅清甜椰香遠勝罐頭椰奶。📍季稻觀塘宜安街17號地舖