阿來泰式地道風味

营业中

休息中

有排都未有得去泰國旅行，黎食下泰國野止癮。呢到原來仲有樓下架，都坐得幾舒服，叫左個木瓜沙律，都有少少辣架，又酸酸地幾開胃！ 另外，仲叫左個肉碎生菜包，咸味適中，包埋生菜岩岩好！份量都幾多架！ 呢架望落以為會辣辣地，但都冇想像中咁辣，唔食得辣既我都可以接受到！仲叫左半打串燒沙嗲，有雞肉同豬肉。沙嗲醬好夠味！雞肉仲好嫩滑！之後仲有火山軟殼蟹法包，個法包吸曬d醬汁，好好味呀！而且軟殼蟹分曬件出黎，都食得好方便，呢種咖哩相對比較溫和。唔會辣又唔會太咸。 野飲方面叫左青檸梳打，感覺好清新！ 呢到性價比真係幾高，幾抵食。而且呢到仲有泰國出曬名既甜品，芒果糯米飯架！但可惜已經好飽啦，下次食一定要嗌番個啊！