泰屋

营业中

休息中

早前與男朋友係旺角好想食泰國菜但又唔想去九龍成，就貢左呢間位於彌敦道商廈，可以外望旺角一帶樓景與街景的餐廳！泰式生蝦刺身一杯一口，放落啲shot杯仔度幾特別，睇得出佢地好有心思，蝦肉爽口鮮甜而且彈牙，配上辣辣的泰式醬汁，如果唔係太食得辣嘅就唔好點晒佢哋個汁，做開胃菜剛剛好。飛天通菜似乎是我在泰國菜中的必選，泰屋的炒通菜比其他的爽脆，而且煮法也很香。雖然是平凡的菜式，但也值得一點。串燒茄子茄子切得好薄身，而且是煮得乾身，配上特別醬料，惹味之選！辣椒膏聖子本身我地好鐘意食聖子，佢地既聖子好新鮮同肥美，辣椒膏好香!黃咖喱雞黃咖喱汁配薄餅，真係好好食！咖喱汁夠香微辣，好適合食唔到辣又想食辣既朋友！紅豆奶荼夠奶味而且紅豆夠林，佢地應該預先處理同煮過d紅豆，紅豆加奶荼互相配合，味道好夾！鄰近旺角道及彌敦道交界的插針式建築物，地點方便，旺角站一出過對面就到，價錢又合理，又坐得舒服，好適合朋友或家庭聚會。