泰嘟嘟

营业中

休息中

食泰菜除咗九龍城，大角咀都有好選擇，阿女今日就帶我去一間叫泰嘟嘟的餐廳食泰菜。餐廳內有特色牆，泰國國旗、牆上掛滿球衣，拳褲同拳套等。 卡位設計到好像成架Tuk Tuk 車咁，真係好有泰國feel.去骨海南雞（半隻）配油飯,無骨海南雞擁有油香，外皮爽口，雞肉非常嫩滑，油飯粒粒分明，口感煙韌幾好食。招牌去骨豬手煲，豬手炆至肉質軟稔，已經去骨，啖啖肉非常入味！泰式濕炒海鮮河，河粉炒得夠鑊氣，配上海鮮和蔬菜，海鮮有蝦、青口和魷魚，食材確實挺新鮮，再加上濃濃的獻汁，味道和口感也很不錯！鹹檸七，即將鹹檸檬放入杯中加入冰和七喜汽水即可，清涼解渴。