阿來泰式地道風味

营业中

休息中

喺旺角好難搵到一間方便又就腳嘅泰國菜，原來呢間就喺先達隔離，鋪面雖然唔大但座位闊落坐得都OK舒服。餸菜方面，都係叫咗平時食泰國嘢嗰啲嘢，上菜速度快到痴線，份量亦都好多，可能係太肚餓嘅關係，兩個人都食晒五個餸，醬汁嘅辣度適中，食唔到辣嘅朋友都可以試吓。我自己最鍾意佢個泰式金邊粉，非常之有泰國嘅味道。材料方面都好新鮮，生蝦都冇嗰種霉霉嘅感覺，鳳爪沙律好開胃，酸辣適中，連配菜都食曬。d野食份量絕對足夠，我仲睇過下個菜單，佢嘅菜式都好多元化，有好多選擇，勁想眼闊肚窄咁叫多啲！