GAIJIN

营业中

休息中

平價法國菜香港並唔常見，見到呢係法日fusion餐廳就上嚟試吓佢哋啲野得唔得。午餐大約$200 - $500 到一位，視乎你食嘅菜式啦。午餐有兩款麵包任食，熱辣辣之餘仲好好味添。又有頭盤三揀一，有餐湯、沙律、或者我叫呢一款煙鴨胸粟米沙律波波。 另外可以再追加菜式、我加多咗個法式鵝肝同埋甜品。鵝肝冇筋，而且煎得啱啱好，入口即溶，底下塊多士又薄又脆、沾埋黑醋同埋蘋果蓉，好正。主菜叫咗油封鴨脾。鴨脾泡係油脂入面慢煮，令到肉質柔嫩，上菜時再煎香表面，呢到做得相當唔錯。食完油膩嘢，食返個清爽嘅蘋果合桃醬焦糖蛋糕。細細個但好好味。飲埋杯咖啡都食咗成粒鐘。想享受法國餐的確預多啲時間好啲。