TERA (寶發大廈)

营业中

休息中

最近約返個舊同事出黎傾下計，我知佢同我一樣係吃貨，就搵咗呢間幾有特色既甜品店同佢食,法國藍帶女廚開。去到既時候鋪面已經吸引住，好岩女仔打卡，好有日本風。入面有個大月亮都係打卡位呀。而我就最中意旁邊似屏風嘅位置。見佢有每日限定，愛試新野既我緊係要試試。簡左榛子焙茶🌰，因為呢個即叫即做，要預等待時間比其他甜品時間長。但黎到既時候香噴噴，開頭怕佢好甜，但竟然無我想像咁甜，又怕焙茶苦。最特別既係焙茶牛奶布丁，好滑，唔苦，好好食。煙三文魚牛油果窩夫🧇，超愛牛油果嘅我，當然要叫返個窩夫嚟食。窩夫好香脆，上面配左玫瑰糖漿，味道幾好。如果佢嘅糖漿係自己倒落去嘅話會更加好。我發現而家甜品店真係唔係年青人專利，因為見到好多一家大細，同埋老一輩嘅人都會自己嚟食。