影片
更多
2022-08-28
169 浏览
餐廳：L'AMOUR (大埔)地址：大埔大埔太和路15號太和中心地下38號舖大埔太和中心呢間開咗兩年嘅法國餐廳L'AMOUR @lamour_french_dining 比咗我好多與別不同嘅感覺🇫🇷，除咗餐廳名喺法文解作「Love」嘅意思，環境同氣氛較為Romantic之外💕，佢哋仲喺法國菜當中大玩分子料理元素，每樣食物嘅擺設都落足心思去裝飾🌸未入餐廳已經見到驚喜🎉，㩒餐廳嘅門鐘等開門，店員一打開霧化咗嘅玻璃扇門嗰陣，原本睇唔到入面嘅扇門即刻變得透光同睇到入面嘅環境，而當門再關上嘅時候就再次睇唔到出面嘅環境，幾高私癮度，相當特別👍✝️巴馬火腿·火箭菜·果仁·紅洋葱·水牛芝士沙律 $188將巴馬火腿摺疊成玫瑰花形狀🌹，放咗喺用火箭菜同沙律菜堆砌而成嘅小山上面🥬，四圍放滿咗各式果仁、紅洋葱🧅、法國車厘茄同水牛芝士🧀，當然唔少得加咗意大利黑醋去稍作調味，無論望落定食落都好豐富😌✝️慢煮西班牙黑毛豬鞍·焦糖蘋果 $258講到賣相真喺冇得彈，將西班牙黑毛豬鞍慢煮煎香，肉質唔會好嚡，豐富嘅肉汁鎖緊喺豬鞍肉之中，每一刀切落去或者咬落口都有濃郁黑毛豬香味嘅肉汁淺出💦，鍾意嘅仲可以蘸埋蘋果蓉一齊食。另外伴菜
地址：大埔大埔太和路15號太和中心地下38號舖
大埔太和中心呢間開咗兩年嘅法國餐廳L'AMOUR @lamour_french_dining 比咗我好多與別不同嘅感覺🇫🇷，除咗餐廳名喺法文解作「Love」嘅意思，環境同氣氛較為Romantic之外💕，佢哋仲喺法國菜當中大玩分子料理元素，每樣食物嘅擺設都落足心思去裝飾🌸
未入餐廳已經見到驚喜🎉，㩒餐廳嘅門鐘等開門，店員一打開霧化咗嘅玻璃扇門嗰陣，原本睇唔到入面嘅扇門即刻變得透光同睇到入面嘅環境，而當門再關上嘅時候就再次睇唔到出面嘅環境，幾高私癮度，相當特別👍
✝️巴馬火腿·火箭菜·果仁·紅洋葱·水牛芝士沙律 $188
將巴馬火腿摺疊成玫瑰花形狀🌹，放咗喺用火箭菜同沙律菜堆砌而成嘅小山上面🥬，
四圍放滿咗各式果仁、紅洋葱🧅、法國車厘茄同水牛芝士🧀，當然唔少得加咗意大利黑醋去稍作調味，無論望落定食落都好豐富😌
✝️慢煮西班牙黑毛豬鞍·焦糖蘋果 $258
講到賣相真喺冇得彈，將西班牙黑毛豬鞍慢煮煎香，肉質唔會好嚡，豐富嘅肉汁鎖緊喺豬鞍肉之中，
每一刀切落去或者咬落口都有濃郁黑毛豬香味嘅肉汁淺出💦，鍾意嘅仲可以蘸埋蘋果蓉一齊食。另外伴菜有薯蓉同埋切咗片嘅焦糖蘋果🍎，配埋豬鞍食去油解膩一流，食多多都唔會滯😎
✝️香煎北海道帶子黑松露薏米飯 $198
用薏米取代咗意大利飯，每一粒都充滿忌廉同黑松露嘅香味，食落比較煙韌有咬口，比普通嘅米飯較為健康；
兩粒香煎北海道帶子外層焦香，內裡鮮甜爽彈，真喺忍唔住一啖放入口😋
✝️美女與野獸 $138
相信有睇過《美女與野獸》嘅人都知道呢個故事喺一段關係玫瑰嘅情緣，除咗象徵「愛❤️」之外，背後講緊嘅更加喺愛人同被愛兩者之間嘅關係。餐廳用咗呢套電影作為Gimmick，由大廚精心用咗紅色嘅豆蓉吱出一塊塊玫瑰花瓣，
再黏貼而成一朵玫瑰🌹，中間用咗蓮蓉做餡，靚到唔捨得食，而每一啖都充滿甜蜜嘅感覺🥰
✝️Pink Lady $118
用煙槍將熏木嘅煙打入去可食用嘅鹼油層當中，喺杯面吹脹成一個波波形狀，打卡指數真係爆燈📸。飲品以清新嘅荔枝香為主，再加入玫瑰糖漿，飲落又真喺幾fresh☘️
✝️Bubble Bee $82
呢個Bubble Bee顧名思義有蜜蜂咁嘅顏色🐝，當中用咗橙汁、可食用紅色糖漿、菠蘿肉整成🍍，幾有熱帶水果嘅感覺，攪勻再飲仲有少少似Gummy bear嘅味道，小骨友都啱飲，喺個人覺得甜咗少少🤏
张贴
