影片
更多
2019-02-14
545 浏览
謝謝朋友今晚帶我食好西，E Molto Buono環境佈置歐陸, 燈光柔和, 比我感覺很浪漫舒服的餐廳。每日有不同款式的新鮮法國生蠔供應， 全部即叫即開，保証新鮮。座位闊落， 坐得舒服, 餐枱擺設走高格調有品味路線, 很高貴。簡潔的餐牌， 價錢分$758及$788， 視乎你叫什麼主菜, fine dinner set包括前菜、湯 、entree、主菜、 甜品、 Petit Fours 及花茶。另外還有酒精類餐牌及飲品可散叫自家製餐包（配自家制香草茄子醬/辣肉腸南瓜醬/黑醋橄欖油）墨汁芝麻包 ~ 皮脆, 墨汁清, 芝麻香, 麵包甜甜地, 煙韌有咬口, 配清新的香草茄子醬, 美味。意大利香草包 ~ 香草包以新鮮香草焗製, 外層焗得脆口, 包心不失軟彈, 富麥香, 配微辣的辣肉腸南瓜醬伴食, 即變惹味爆脆多士, 南瓜醬以南瓜蓉及辣肉腸蓉自家調制, 香甜微辣, 配其他包也合適。芝士薄脆 ~ 薄薄一片, 脆脆的, 很可口, 我都係跟辣肉腸南瓜醬配搭食。Bridge Romance ($108)2個人唔想開支白酒咁破費， 便叫了一杯香賓cocktail 配生蠔。由香檳、荔枝酒、桃酒、玫瑰糖漿及雪
每日有不同款式的新鮮法國生蠔供應， 全部即叫即開，保証新鮮。
座位闊落， 坐得舒服, 餐枱擺設走高格調有品味路線, 很高貴。
簡潔的餐牌， 價錢分$758及$788， 視乎你叫什麼主菜, fine dinner set包括前菜、湯 、entree、主菜、 甜品、 Petit Fours 及花茶。
另外還有酒精類餐牌及飲品可散叫
自家製餐包（配自家制香草茄子醬/辣肉腸南瓜醬/黑醋橄欖油）
墨汁芝麻包 ~ 皮脆, 墨汁清, 芝麻香, 麵包甜甜地, 煙韌有咬口, 配清新的香草茄子醬, 美味。
意大利香草包 ~ 香草包以新鮮香草焗製, 外層焗得脆口, 包心不失軟彈, 富麥香, 配微辣的辣肉腸南瓜醬伴食, 即變惹味爆脆多士, 南瓜醬以南瓜蓉及辣肉腸蓉自家調制, 香甜微辣, 配其他包也合適。
芝士薄脆 ~ 薄薄一片, 脆脆的, 很可口, 我都係跟辣肉腸南瓜醬配搭食。
Bridge Romance ($108)
2個人唔想開支白酒咁破費， 便叫了一杯香賓cocktail 配生蠔。由香檳、荔枝酒、桃酒、玫瑰糖漿及雪碧混合而成的cocktail， 入口甜甜地，清爽的果香味， 酒味只是微微的， 呢杯cocktail 香甜易入口。
調酒師話搖吓它會有星空效果, 果然…….大家見到銀河及星星嗎? 我見到呢
Ancelin Special ($88/隻) and (Krystal $88/隻)兩款都係來自法國的生蠔, 全部即叫即開, 確保新鮮。
兩款生蠔蠔肉光澤亮麗, 看得見的新鮮。
**Krystal (前排) ~ 生蠔肉質結實鮮爽， 海水鹹度中等， 味鮮卻不鹹口， 生蠔嘅餘韻在口腔內久久不散, 係飲左一杯暖水也散不盡。
**Ancelin Special (後排) ~ Ancelin Special 是法國深海水域的生蠔種類， 蠔肉呈奶白色， 海水味道濃沃， 生蠔肉則清甜爽口，帶甘甜餘韻, 茶實可以食多2隻
前菜 ~ 法式油封鴨腿塔
無論食材顏色配搭及擺設也很美， 有時食物除咗好味, presentation 都好緊呢。
鴨肉粒、微酸羅白片、番茄粒及红洋蒽粒以麻醬撈埋, 放上法式多士一齊食， 口感豐富，味道酸香，好味。
煙燻巴馬火腿車厘茄忌廉湯
好特別的一個蕃茄濃湯，番茄湯啖啖蕃茄精華， 用車厘茄做濃湯比較甜，低酸性， 燙頭入口還有淡淡的煙燻火腿香氣， 煎香那片煙燻火腿夾雜在蕃茄湯一齊享用， 巴拿馬火腿嘅油香跟蕃茄湯酸甜一拼在口腔內雲集 ， 好好飲噢
Entrée ~ 香煎鵝肝
鵝肝伴黑白芝麻粒煎得金黄焦香，堪稱外脆內軟， 煎好淋上紅酒汁增味， 入口甘香嫩滑
若然你覺得鵝肝多食油膩， 可以拈些檸檬蜜糖西柚伴食， 酸酸甜甜令鵝肝油膩感大減一半以上。
清腔 ~ 番石榴雪葩
過場番石榴雪葩以新鮮蕃石榴汁製成, 味道清爽微甜, 食緊新鮮番石榴咁真實, 準備食主菜清腔一流。
紐西蘭深海海螯蝦意大利麵
本人很喜歡吃意大利麵 ， 今晚揀咗呢一個海蝦意大利麵做主菜。
紐西蘭深海海螯蝦外型非常型仔， 上台前廚師已把蝦殼去除， 身驕肉貴的海螯蝦赤裸裸現身， 蝦肉色澤光亮, 呈奶白色帶點嬾紅， 入口鮮爽。
意大利麵以巴拿馬芝士忌廉汁撈， 非常濃香的芝士味道， 放少許件碟的檸檬絲添清香, 意大利麵口感煙韌有咬口, 煮法夠正宗。
今日其中一個是日甜品~伯爵茶奶凍， 佢哋提供文字服務， 可以喺甜品度寫上週年紀念或生日快樂之類的文字氹對方。
奶凍入口滑溜，伯爵茶味道出眾， 甜度不過甜 ，恰到好處， 近來都幾鍾意食用茶製作的甜品。
餐茶 ~ 玫瑰茉莉茶
玫瑰花沖製的茉莉茶, 帶陣陣的玫瑰及茉莉花香‚飲完好醒神。
Petit Fours
法國人的浪漫, 以多款手製朱古力及酥餅讓顧客甜絲絲地完結今晚的FINE DINNER, 黑朱古力夠香滑, 榛子朱古力好似食緊實心版金沙, 還有那個清優茉莉花香蝴蝶酥, 鬆化到不得了, 讓人讚不絕口。
E Molto Buono 不失為一間高格調的FINE DINNER 餐廳, 服務非常好, 讓人有賓至如歸的感覺, 最鐘意佢地每樣食物上檯都會簡單介紹一吓, 話比你聽入口的將是什麼食物, 伴汁是什麼, 怎樣食才最好, 好細膩及貼心的服務, 讚。
张贴
