影片
更多
2017-01-10
777 浏览
新一年，又喺同啲食友聚一聚嘅时候，几位老友嚟过Les Saveurs食晏，知道佢哋啲质素甚高。晚市就未到访过，就一于尝尝佢哋晚市嘅手势，兼友情共聚法菜夜。讲到食法国菜，小弟经验唔多，但知道法国菜用料够精选，烹调如艺术，可让人有发人深省嘅感觉，所以，落足力慢慢细尝个中真味。既然餐厅名字带有Private Kitchen，当然有别一般法国菜餐厅。先讲环境，以私隐度为卖点，整间餐厅间开为多组房间，绝对唔怕受其他客人骚扰。再者，房间布置简洁而幽雅，又不失气氛，更可以远眺维港夜景，睇烟花一流，但就相信定价更高。食物选择，主打一个7道菜嘅晚餐，餐前小点、3个前菜、1道汤品、主菜3拣1，再加1份甜点，定价$788，另收加一服务费，主菜拣牛肉需另补$88。当然以普罗大众食餐饭近成千银，绝对喺唔便宜嘅一餐，但以一餐高质素嘅法国菜而言，应该喺物有所值。French Bread人齐又未正式上菜，最好食啲面包嚟打发吓时间，以小木盒盛咗嘅都喺法式面包：牛角酥、百吉包，前者酥香富牛油味，后者外脆内软，搽点自家制软滑嘅牛油，感觉已好唔错。L'Amuse Bouche小巧细细杯嘅餐前小点究竟喺乜，侍应话会次次都唔同，
既然餐厅名字带有Private Kitchen，当然有别一般法国菜餐厅。先讲环境，以私隐度为卖点，整间餐厅间开为多组房间，绝对唔怕受其他客人骚扰。再者，房间布置简洁而幽雅，又不失气氛，更可以远眺维港夜景，睇烟花一流，但就相信定价更高。
食物选择，主打一个7道菜嘅晚餐，餐前小点、3个前菜、1道汤品、主菜3拣1，再加1份甜点，定价$788，另收加一服务费，主菜拣牛肉需另补$88。当然以普罗大众食餐饭近成千银，绝对喺唔便宜嘅一餐，但以一餐高质素嘅法国菜而言，应该喺物有所值。
French Bread人齐又未正式上菜，最好食啲面包嚟打发吓时间，以小木盒盛咗嘅都喺法式面包：牛角酥、百吉包，前者酥香富牛油味，后者外脆内软，搽点自家制软滑嘅牛油，感觉已好唔错。
L'Amuse Bouche小巧细细杯嘅餐前小点究竟喺乜，侍应话会次次都唔同，而今晚嘅喺椰菜花忌廉配炸樱花虾、海胆及龙虾油，单睇依个组合名单就觉得大厨好有心思，极期待，卖相又好精致。椰菜花忌廉口感好柔滑，估唔到椰菜花味咁出，加埋啲海胆及龙虾油，味道好融和，炸樱花虾带出点点脆脆感好有惊喜。
L'Amuse Bouche
14 浏览
1 赞好
0 留言
上文都讲过有3道前菜加一款汤品，单睇菜名，款款都好吸引，又富创意，全都喺叫人引径以待嘅菜式。
Poached Blue Lobster第一道前菜就嚟道蓝龙，都咪话唔落重本，但作为前菜，无理由俾只龙虾过你架，卖相唔喺震撼，却精致漂亮。主题龙虾肉配牛油果、松露片，都喺精贵嘅食材，蓝龙好爽，味道夹而多层次；枣红色口嘅喺鳌虾啫喱，暖暖哋，好虾味，感觉好得意；伴碟嘅生菜沾沾奶黄色嘅柠檬乳酪酱，都可以讲喺有神来之笔嘅感觉。
Poached Blue Lobster
12 浏览
1 赞好
0 留言
Fresh Smoked Salmon第二道前菜，以玻璃盖冚住，玻璃内弥漫嘅烟雾为大家卖少少关子，侍应话需要等两分钟先可揭盅，喺要让烟熏嘅效果突出啲，而一打开，烟熏三文配黑鱼籽华丽登场。睇菜名知道三文鱼喺以42°C慢煮，所以，三文色泽鲜明油润，柔滑到不得了，颇有烟熏香，加上黑鱼籽，集咸香鲜；所配嘅酱汁喺红菜头蓉及以分子啫喱去处理嘅苹果辣根汁，前者好有红菜头味，后者出奇咁清新㖞。
Fresh Smoked Salmon
16 浏览
1 赞好
0 留言
Fresh Smoked Salmon
19 浏览
1 赞好
0 留言
食咗个小食加两道前菜，喺时候饮个汤，是晚嘅餐汤喺西洋菜，但西式做法就肯定喺第一次试，大厨都真喺有胆色揾西洋菜做西汤，仲鬼马到以茶壶嚟倒出墨绿色嘅餐汤。估唔到西洋菜做西汤都掂㖞，打得好溶，又隔渣隔得清，所以，质感非常滑溜，西洋菜味强劲。倒完汤，第一时间要食喺𠮶两片脆饼，因为仲喺脆口，且富牛油香；而黑毛猪火腿咸咸香香，象拔蚌仔柔韧有咬口，整个汤都满有惊喜！
Cream of Watercress Soup
14 浏览
1 赞好
0 留言
以餐汤润一润个喉咙，接住就上第三道前菜，以为喺普普通通嘅一道煎鹅肝，却喺继续一道精彩接另一道精彩，而精彩在于啲细节位。鹅肝大件厚切，口感好嫩滑，外层带点焦脆，又甘香，加咗椰子酒煮，有点点椰子味，仲伴啲香脆炸椰子片及甜甜酸酸嘅焦糖化菠萝，令食味唔单一，而鹅肝上有啲分子葡萄醋珠珠，微微酸，有中和鹅肝油腻之效。
Poached and Pan Fried Foie Gras with Malibu
11 浏览
1 赞好
0 留言
Yuzu Sorbet过场嘅小清新就喺一小羹柚子雪葩，好强劲柚子味，带有少少柚子皮，酸酸甜甜好清爽。
尝过雪葩，等无耐就轮到主菜，是晚嘅主菜共有3款，包括猪颈肉拼猪颊肉、美国顶级肉眼及是日精选鱼鲜。
Sous Vide Iberico Pork Collar, Braised Pork Cheek延续法国菜讲求卖相精细，一道猪颈肉拼猪颊肉同样做得细致，采用西班牙黑毛猪火腿已经喺质素嘅保证，前者以香煎处理，超脆口，又有肉香，衬个芥辣忌廉汁，正呀；后者则以炆炖方式处理，既腍又松化。伴菜亦唔喺大路货色嘅喺薯菜，当中嘅紫薯蓉做得好幼滑。
Sous Vide Iberico Pork Collar, Braised Pork Cheek
24 浏览
1 赞好
0 留言
Prime USDA Ribeye见到「肉眼」，不其然就会谂住成件扒咁款，法国菜又点会做得咁粗，再者，之前已经尝过多道前菜，依家个份量就啱啱好。卖相跟上面个猪颈肉有几分相似，不过，经过炭熏加慢烤，再煎到五乘熟，色泽嫩红，落刀𠮶下已知好软腍，入口肉质果真好柔嫩，外层有炭火香味。依碟嘅伴菜同样有啲精彩位，椰菜花三重凑，椰菜花做出3种唔同口感，原粒烤蒜烧到化透，好香软。
Prime USDA Ribeye
19 浏览
1 赞好
0 留言
Fish of the Day侍应每上一道菜，都有详细介绍，而是日鱼鲜就喺嚟自日本嘅金鲷鱼，亦喺店中嘅招牌菜之一，半煎炸方式令金鲷鱼嘅鱼鳞泛起，令卖相别树一格，入口亦脆卜卜，至于鱼肉，鲜嫩至极，佐以龙虾泡沫，怪唔之得友人超赞！
Fish of the Day
19 浏览
1 赞好
0 留言
最后一道经典法式甜品绿茶千层酥登场，可以讲喺完美作结，千层酥酥脆富牛油香，而中间嘅绿茶慕丝，绿茶味突出，甘苦而柔滑。虽然餐牌写住柑橘沙律及雪葩，但依家改为鲜什莓及云呢嗱雪糕，一样唔错，尤其啲雪糕睇到粒粒香云呢嗱籽，云呢嗱味嚟得天然芳香。
或者食晚餐你会觉得花费贵，尤其女生又可能怕食唔晒，所以，不妨星期六、日嚟食个高质素嘅法式午餐，3道菜$198 + 10%，4道菜$238 + 10%，小弟觉得绝对超值。
张贴
