麵鮮醬油房周月 (歌賦街)

营业中

休息中

今日喺中環要接朋友放工，所以之後就同佢食啲嘢。但又未到晚飯時候，所以就決定食碗拉麵醫下個肚。周月拉麵都幾出名，見下午時間唔係有太多人，所以我哋就入去食。一坐低，我哋就分別叫咗兩碗面，我叫咗麻辣沾麵，我朋友就叫原味。佢嘅湯汁唔似其他店食嘅咁濃稠，比較稀啲。不過味道都幾濃郁，我好鍾意佢個麵質，麵質幼同滑，另可以選擇面嘅份量，大份食得好飽。不過略嫌佢肉就少咗啲，裏面只有小小叉燒肉碎，所以唔夠一大片叉燒來得滿足。