龍門冰室 (已結業)

龍門冰室下午茶， 沙爹牛肉麵， 兩隻太陽蛋，沾醬多， 熱菜蜜 ，今日初四食 都係31蚊。隔離翠乸 重要因為新年 加多15蚊，呢啲咁荒唐嘅事， 唔會喺龍門冰室度出現。呢個龍門冰室下午茶係我食得最飽同最抵嘅一間餐廳。 呢間嘢好到一個地步就係 我曾經見到有個西裝友嚟食，畀個阿姐傳菜嘅時候啲湯的濕咗件西裝， 咁佢都好驚訝，有講下有冇搞錯呀，你小心啲呀嘛 嗰啲固定台詞啦，阿姐又道歉咁啦。 但係咁樣就完㗎啦， 之後可以相安無事繼續食嘢，繼續做生意。 原因就係食物質素好， 服務態度好，價錢又咁好， 西裝友點嬲得落呀，過一兩日咪又係會嚟幫襯!所以我而家話畀你聽呢間嘢有幾正， 你得閒你就靜靜雞自己嚟試，唔好咁張揚因為已經越嚟越多人， 我驚到時自己去都要等位先有得食。