影片
更多
2017-02-05
4591 浏览
The One 其實好少食肆會有爆棚等人嘅情況，但可能係12月嘅關係難得想食呢間竟然大排長龍..... 明明男友話其實都唔使等乜滯.... 搞到等等下真係越食越肚餓，所以我毫無懸念選擇了「極上澳洲和牛放題」。老實說，其實自從對上一次係雅蘭嗰間牛氣食完之後，我就已經覺得日式火鍋店實在很難有一間做到牛氣一樣好。而這一間亦相比旺角店闊落。食物種類比起牛一和涮涮鍋都要多~ 熟食的，火鍋用的，就連飲料、甜品選擇都多過人... 我們點了昆布辛口地獄湯，但其實沒有太地獄的感覺，只有少許辣~ 初頭覺淡，但越煲就越濃..... 等個鍋起都要一段時間，所以呢一客黃金蟹肉素翅就出場了，沒想到那麼足料 ! 素翅完全沒欺場，加上其他配料如：蟹柳、蟹肉等，每一下入口都非常RICH ~ 淨係食呢個翅，都可以食幾碗~ (但當然我無，因為我仲要食其他野~ )真係要介紹呢三款必試的牛! 這個極上澳洲和牛真係我favorite ，因為脂肪平均散佈，入口即溶，而且仲係個口度留有少少油香，只係無乜肉味。而呢客極上美國牛肩肉可以話係平衡兩者，油香不算多，肉味亦未算太出，可以說是中規中矩。鍾意食肉嘅朋友不能錯過這客極上美國牛小排
難得想食呢間竟然大排長龍..... 明明男友話其實都唔使等乜滯....
搞到等等下真係越食越肚餓，所以我毫無懸念選擇了「極上澳洲和牛放題」。
老實說，其實自從對上一次係雅蘭嗰間牛氣食完之後，我就已經覺得日式火鍋店實在很難有一間做到牛氣一樣好。而這一間亦相比旺角店闊落。
食物種類比起牛一和涮涮鍋都要多~ 熟食的，火鍋用的，就連飲料、甜品選擇都多過人...
我們點了昆布辛口地獄湯，但其實沒有太地獄的感覺，只有少許辣~ 初頭覺淡，但越煲就越濃.....
等個鍋起都要一段時間，所以呢一客黃金蟹肉素翅就出場了，沒想到那麼足料 ! 素翅完全沒欺場，加上其他配料如：蟹柳、蟹肉等，每一下入口都非常RICH ~ 淨係食呢個翅，都可以食幾碗~ (但當然我無，因為我仲要食其他野~ )
真係要介紹呢三款必試的牛! 這個極上澳洲和牛真係我favorite ，因為脂肪平均散佈，入口即溶，而且仲係個口度留有少少油香，只係無乜肉味。
而呢客極上美國牛肩肉可以話係平衡兩者，油香不算多，肉味亦未算太出，可以說是中規中矩。
鍾意食肉嘅朋友不能錯過這客極上美國牛小排，因為其容味濃郁，而且脂肪極少
所以要掌握個煮熟時間要處理得好，否則就會好韌，亦浪費咗呢客牛。
呢個餐最抵嘅亦係無限添加海鮮，我原本覺得可能呢啲都唔多新鮮，但估唔到竟然都處理得好好，蝦用上海蝦，其殼堅硬，而且蝦肉爽身，入口想當有口感。最近我自己買咗啲青口返屋企煮，可能係唔識處理，幾次食都腥。但係呢度竟然做到無海水味又無腥，而且SIZE 亦算中上，唔會用啲好似蠔巿咁細粒嚟敷衍你。
除咗呢度啲烏冬係我必叫嘅野外，我亦相當喜歡呢度嘅葛絲~ 煙煙韌韌相當有口感，好似薯粉嘅快熟版咁~
呢度嘅甜品其實都幾好食，我食咗法式燉蛋、乳酪雪糕都處理得好好，份量少少地，就返放題份量。其實放題真係好難維持到咁嘅水準，而呢度仍然非常有質素，仲要間間嘅服務都好，呢一餐真係令人食得非常開懷~
张贴
