影片
更多
2011-07-28
167 浏览
今天同老婆,仔仔,外父,外母等, 一行八人到圓方看完Mr.Popper,window shopping一陣後大家都肚仔餓,Element內的選擇都係D日本菜,西餐,中菜又可能要食鲍蔘翅肚才有特色,只好search下附近有冇拾下拾下或酒家好食,睇到近偉情街的``順德公``,見大家的食評話D餸菜都幾有特色(舅父飛佛),不過服務就差D,同埋都吳平.但難得齊人,一於試新野.去到偉情街時只有佢一家舖燈火通明,我小人之心以為呢間酒家開係後街(都幾後下,大家去時最好ride車去)好極有限,點知入到後驚喜就係呢秒開始!入到去原來人頭湧湧,重要排隊!?排左15分鐘,只見D阿姐走黎走去,個男經理埋來講句``唔好意思,好快有枱``就走左去,結果我地就企係道足足半個鐘,吳知點解可以椅都無張…入座後個部長推介左佢地的招牌菜,食後感如下:1.子薑魚皮-有少少芥辣味道, 口感由魚皮的爽加上花生的脆帶動再加上少少香蔥和薑絲一齊食, 搞到之前的不安感一掃而空 (一定要試)2.野生天麻蟲草花燉魚頭-經理介紹左兩個湯, 一個係海螺燉竹絲雞, 一個就係這個天麻蟲草花燉魚頭, 見這個天麻平時無點煲過, 海螺阿媽會久不久煲, 一
1.
子薑魚皮-有少少芥辣味道, 口感由魚皮的爽加上花生的脆帶動再加上少少香蔥和薑絲一齊食, 搞到之前的不安感一掃而空 (一定要試)
2.
野生天麻蟲草花燉魚頭-經理介紹左兩個湯, 一個係海螺燉竹絲雞, 一個就係這個天麻蟲草花燉魚頭, 見這個天麻平時無點煲過, 海螺阿媽會久不久煲, 一於就試新野。個湯嚟到,阿姐一打開個蓋後個湯的那陳補藥味立即就出來, 阿姐先幫我們分湯, 再把材料上碟, 當飲第一口湯時, 發覺嘩~ 好濃, 好清甜, OMG~而D湯喳大家一定唔好Sign, 因為口湯喳有雞腳, 魚頭, 瘦肉, 全部都係應該煲過6-8小時的質地, 好滑 (人多一定要快D手, 否則會食淨D杞子)
之後問返個經理有沒加味精, 佢解釋全部真材實料, 由中午煲到晚巿才有咁的味道, 保証飲完不口喝, 其他湯吳知, 此湯大家一定要試
3.
煲仔煎焗魚嘴
呢個係因為見到隔離枱有點,所以才點的, 雖然上菜時個煲好大, D魚嘴好似好少, 但係一人一份時, 都會飽飽地, 味道好香口, 魚頭的皮外邊脆, 內邊淋滑.記得連蔥一齊食, 會有化學作用, 個面珠Dum 同魚雲少少焗香的感覺, 着實好味道, 連老婆咁怕骨的都努力地埋頭苦干
4.
煎焗魚卜
魚卜相信用煲仔煎過之後用煲仔再加熱, 連蔥上抬, 個做法好似同個魚頭無太大分別, 但原來食落個感覺又係另一樣野, 因為魚卜唔知係咪有少少粉係面度, 再用油炸過感覺好似d 炸生蠔的皮咁, 而魚卜內的皮又好滑, 加上魚卜最入面的物體(不知點形容)係爽的, 確係幾好食, 好特別~
5.
酸甜咕lo骨
特別為仔仔而設, 食落都ok, 無什麼特別, 可能呢道真係專做河鮮, 所以此餸無驚喜, 無扣分也無加分
6.
順德煎釀三寶
點時有D猶豫, 始終食晚飯, 好似街邊煎釀三寶, 感覺晚飯食就怪怪的, 但經理說係招牌之一, 最後一試無訪,ar又幾ok wor, 鯪魚頭脆脆地, 加上D米粉落去炸, 再點D特別的自家蜆介汁, 好彈牙, D魚肉同外面食過的明顯唔同, 炸後都食到魚肉的鮮味。媽咪最鍾意個蓮藕, 爽之餘少少蓮藕的甜味, 同鯪魚肉一齊食又真幾爽, 最後的青掓有少少辣, 但奇怪唔係条条都辣(好似買大細咁), 外面煎得漲卜卜, 加上永遠無錯的魚肉, 一個字．．．正！
(建議食家點時要要求先上此菜, 此終好似做前菜辣辣地的三寶會好D 熱身之選)
7.
籠仔梅菜蒸菜心
菜心外觀可以用翠綠形容, 夾少少梅菜一齊食, 甜甜地又唔係太salty, 菜心都幾爽甜, 送飯好好食, 估唔到梅菜加菜心夾到wor (叫老婆自己試下整都好, 哈哈~)
8.
家鄉炆花錦鱔煲
主角出場, 係屋止通常自己鍾意蒸豉計鱔, 但見好似周邊枱都點, 出去睇有什麼魚好食時, 佢識我, 我唔識佢, 林林種種, 經理又一輪咀地介紹D食法, 自己其實已無用心去聽, 只專注在個大魚池的魚上, 條條都好似好特別, 有D 幾古怪的樣咁, 見個師傅劏緊條幾大幾粗的鱔, 再問下經理點整好, 免為其煩, 人點什麼自己就點什麼, 上菜後, 食落真係好似之前睇卡通片咁, 想講句 “好好味呀!!”
條鱔炆完後, 竟然唔過淋, 反而好有彈性, 好膠, 而外皮可能因條鱔大的關係, 相對地加厚, 少少皮加D肉食落口(最好加D白飯一齊餸入口, 記住只係白飯, 因白飯的飯味可中和反鱔的濃味, 無咁易膩)用感動嚟形容一D都唔誇張, 食完後一家人的共識係 – 花錦鱔的死, 係有價值的
9,
大良雙皮奶
有凍有熱, 食完條大錦鱔,本已無所求, 甜品只係一個出外食飯的一個日常程序吧, 心想不要比順義的相差大遠就OK了, (因太飽, 也只能程序上吃一兩口吧)但食落不得了, 感覺回到自己家鄉番禺一樣, 係水牛奶的味道 (水牛奶通常不加防腐劑, 牛奶新鮮搾出, 只能放短時間) 奶味濃, 香滑, 相信不是用奶粉開的, 問一問經理, D双皮奶果然係每日從順德坐船運到, 佢重話原來我地好好彩, 一般晚上如非預留的話就通常好快賣曬, 叫我地下次早D留定 (Copy that!)
總結
入去前同入去後好大分別, 本人第一次寫食評 (多謝老婆大人幫忙完成), 但真係估吳到一間外面其貌不揚的酒家可以係咁的地方下做得咁好食, 竟以食物質素可以使咁多人特登黎食, 實在值得本港的其他經常抱怨租金貴的食肆借鏡(唔一定要地方好才有客), 把注意力放在用心做好菜式, 客人就自然會找你, 自己也上了一課, 睇野不能看外表, 要睇內在的價值, 點都好,睇來我又多咗個飯堂了
PS
此店不能期望有十分好的服務及華麗的裝修, 價錢也一點都不平(每人平均都要成$400) 但如大家係食順德菜或河鮮的食家, 想食真正鮮味的嘢, 順德公漁村真係個好好的地點
张贴