影片
营业时间
今日营业
05:30 - 00:00
星期一至日
05:30 - 00:00
以上资料只供参考，请与餐厅确认详情
朋友介绍下去佐敦一间河鲜小厨试菜，果然有惊喜。餐厅装修走老派风格，磨砂玻璃屏风配圆枱，虽然保留咗旧式酒楼格局，但胜在空间够宽敞，坐得舒服唔逼仄。主打菜式够镬气，咕噜肉炸得外层酥脆，酸甜酱汁挂肉均匀，开胃得来唔油腻；鱼头用砂煲焗得入味，鱼肉鲜嫩带焦香，火候掌握得啱啱好。最特别系招牌污糟鸡，虽然个名搞笑，但鸡肉嫩滑多汁，豉油香料腌得够透，连鸡胸部位都唔嚡口。整体份量足料，价钱合理，侍应招呼都几亲切，难怪多熟客推介。下次想食传统风味小炒，呢度绝对系可以再encore嘅街坊饭堂！
继续阅读
今日同长辈来这间饮茶长辈介绍顺德公渔村系佐敦有两间分店，🦐 主打菜式是河鲜特色，鲜虾、鱼、鱼头、鱿鱼都是该店特色菜式，一间酒楼如果得到老人家的盛赞，应该都唔会差啩安虾咸水角，比较大粒，油炸至外皮酥脆、内里软糯，咸香中带微甜虾春卷，酥脆春卷皮包裹虾馅，蘸喼汁增鲜。椰汁黄金糕，甜点，可以看到形成“黄金”纹理蚝皇叉烧饱，蜜汁叉烧馅加蚝皇酱，甜咸交融鲜虾豆苗饺，透亮水晶皮包裹虾与嫩豆苗，春天时时令之选顶级鲜虾饺皇，馅料用整只鲜虾，爽脆弹牙皮蛋瘦肉粥，绵滑米粥，瘦肉好多食唔晒环境比较复古，服务都唔错
继续阅读
难得同妈咪撑台脚，带左佢去佐敦伟晴街嘅顺德公渔村河鲜酒家食传统顺德菜！呢间酒家开业26年，出名食材新鲜，广受食客喜爱！今次食左晚饭套餐C $680（二位用）1️⃣ 家乡煎酿二叔祖公二叔公即系鲮鱼球同虎椒鲮鱼肉打得极致弹牙，外层煎至微焦脆，镶在虎椒同莲藕上，油光微闪如琥珀。蘸少许特色酱汁，咸香与鲜甜更显乡土气息。 2️⃣ 特式翅汤枱面蒸河鲜鱼（另跟配堂灼唐生菜）呢道菜系仪式感与鲜味兼并，河鲜鱼先稍微煎香，然后摆上蒸枱继续慢火煮熟。鱼汤鲜甜浓郁，加入多种食材（金华火腿，翅，姜粒，洋葱，芫茜，瘦肉，鱼骨）熬制而成。鱼肉鲜味，嫩滑无细骨，生菜吸收鱼汤精华入味鲜甜3️⃣ 金牌得奖铜盆蒸污糟鸡（半只）鸡肉用铜盘蒸熟，揭盖时香气混著酒气窜出。鸡肉嫩滑，酱汁入味，入口先是头抽咸鲜，尾韵有淡淡酒香，令人回味。呢餐地道顺德菜食得好饱足，虽然话系二人套餐，但套餐份量十足，三个人都绝对够食！下次再带多啲朋友黎一齐食！
继续阅读
琴晚帮衬咗， 冇经我同意底下落咗一条1600蚊嘅鱼畀我， 理论一番后， 佢取消咗呢条鱼,...... 嘢食大致上都唔错，但埋单𠮶阵时又发现 , 佢又入咗条九百蚊嘅癣畀我, 我再同佢理论, 最后佢话入错咗㖞结论佢啲嘢系好食。 但佢地嘅经营模式我唔好认同.... 唔会再去 亦唔会推介...,完
继续阅读
今日与友人寻觅河鲜的滋味，找到以前家乡的味道！✨晚市二人套餐 $680🌊家乡煎酿二叔祖公所谓二叔祖公其实系炸鲮鱼球及煎酿尖椒。脆炸鲮鱼球外脆内弹，外层有脆米增加咬口，鱼肉鲜味十足；煎酿尖椒微辣惹味，微微椒甜香，不错！ 🐠特色翅汤枱面蒸河鲜鱼翅汤奶白色浓郁鲜美，鱼肉嫩滑无细骨，枱面边烤边食保持温热，生菜吸收鱼汤精华非常鲜甜。 🐓金牌得奖铜盘蒸污糟鸡鸡肉嫩滑多汁，铜盘蒸锁住原汁原味，淡淡酒香气及腐乳味道令人回味。总括而言，已经很难在香港找到传统的味道，实在难能可贵，味道确实不错。
继续阅读