九份•十分 (河畔花園) (已結業)

突然好掛住寶島既美食，今晚黎到「九份·十分」睇下搵唔搵到台灣既美味😋睇得出餐廳係裝修上花左唔少心思，牆上掛有九份·十分老街既街畫，努力營造出台灣既味道。我地今次叫左2人晚市套餐，仲可以加少少錢叫個沙冰特飲，都真係幾抵食呀。前菜：古早五香滷牛展-牛展滷得入味，個滷水汁應該加有八角同其他香料，古早味出哂黎！小食：台灣鹽酥排骨粒+忌廉芝士蘑菇雞翼-哩到竟然提供6款味粉俾食客自己調配喜歡既味道，你鐘意每粒排骨都唔同味亦得。我就覺得「原味」最好啦，其實就係椒鹽味囉😋 雞翼入面釀左🧀🍄，食落又幾得意喎主菜：紅燒牛肉麵+芭樂鳳梨鹽水雞涼麵-半筋半肉既牛肉忟得好焾好焾，仲可以揀粗麵或者幼麵添，飲左啖湯以為我真係係台灣呀！飲品/甜品：維多利亞的㊙️密+夏日西門町+冰粉美人-大推👍🏻哩兩杯水果特飲呀，佢地其實分別係雜莓沙冰同菠蘿🍍沙冰，酸酸甜甜又透心涼！