影片
更多
2025-05-23
65 浏览
📍蘑界深圳排隊王「蘑界」殺到沙田！以後想食高質野生菌火鍋唔使北上，喺新城市三期一田旁就有得歎～ 今次同班friend試咗個4人餐，真心要同各位菌控分享呢場舌尖上嘅雲南探險！✨🍲 高原野生菌土雞湯 ｜靈魂湯底抬出個西藏墨脫石鍋時真係嚇親！用呢個石鍋煮湯時會釋放礦物質，湯底用野生菌+土雞每日現熬湯底，揭蓋嗰陣香到隔離枱望過嚟👀 飲落唔係味精鹹，而係菌菇天然嘅甘甜帶木質香，我連飲三碗都唔口渴好鮮甜。🍄 當季·見手青 + 四季菌雙拼（黃牛、美味）傳說中「食完會見小人」嘅毒菌王😂，不過可以放心，因為佢地安全處理、專人監督煮食時間，食得放心～煮足15分鐘後變金黃色，咬落爽脆似鮑魚片，鮮味濃到喉嚨都有回甘！四季菌亦好新鮮，加入湯底煮咗會更加鮮甜，推介~🍄刺身金耳菌第一次生食金耳菌！冰鎮上枱晶瑩剔透，口感似海蜇，好脆，食落鮮甜有菇的清香，點wasabi豉油鮮味爆炸~🐓文昌雞精選的土雞，肉質新鮮看得見。飲完頭啖湯就可以落返文昌雞啦，肉質滑到夾唔起，我地滾咗好耐，雞胸最後食都竟然唔嚡，好正。🥩鮮切三花趾 + 麻醬甄選千層肚佢地仲有牛肉，超乎想象嘅好味，肉質新鮮而且很嫩，冇唸道牛肉搭配呢個湯底都唔錯~千層肚
深圳排隊王「蘑界」殺到沙田！以後想食高質野生菌火鍋唔使北上，喺新城市三期一田旁就有得歎～ 今次同班friend試咗個4人餐，真心要同各位菌控分享呢場舌尖上嘅雲南探險！✨
🍲 高原野生菌土雞湯 ｜靈魂湯底
抬出個西藏墨脫石鍋時真係嚇親！用呢個石鍋煮湯時會釋放礦物質，湯底用野生菌+土雞每日現熬湯底，揭蓋嗰陣香到隔離枱望過嚟👀 飲落唔係味精鹹，而係菌菇天然嘅甘甜帶木質香，我連飲三碗都唔口渴好鮮甜。
🍄 當季·見手青 + 四季菌雙拼（黃牛、美味）
傳說中「食完會見小人」嘅毒菌王😂，不過可以放心，因為佢地安全處理、專人監督煮食時間，食得放心～煮足15分鐘後變金黃色，咬落爽脆似鮑魚片，鮮味濃到喉嚨都有回甘！四季菌亦好新鮮，加入湯底煮咗會更加鮮甜，推介~
🍄刺身金耳菌
第一次生食金耳菌！冰鎮上枱晶瑩剔透，口感似海蜇，好脆，食落鮮甜有菇的清香，點wasabi豉油鮮味爆炸~
🐓文昌雞
精選的土雞，肉質新鮮看得見。飲完頭啖湯就可以落返文昌雞啦，肉質滑到夾唔起，我地滾咗好耐，雞胸最後食都竟然唔嚡，好正。
🥩鮮切三花趾 + 麻醬甄選千層肚
佢地仲有牛肉，超乎想象嘅好味，肉質新鮮而且很嫩，冇唸道牛肉搭配呢個湯底都唔錯~千層肚爽脆，搭配麻醬點睛之筆，推介大家要試一試！
🍖驚喜小食
鮮鹵牛腱肉、鮮鹵豬耳、鮮椒溏心皮蛋都有驚喜，特別推介皮蛋，流心蛋黃+麻辣蒜蓉，惹味到想追加白飯。牛腱滷得入味又不失嚼勁，都好正。
🥬豐富配菜
高原七彩土豆、板藍根、香水油麦菜，「七彩土豆」煮5分鐘變半透明，粉糯口感夾雜紫芯甜味，我係第一次食覺得好特別呀~
✨如果唔夠飽可以叫火腿野生菌炒飯，米飯粒粒分明，分量都好足。仲有手打檸茶，香水檸檬捶得夠爛，酸度解膩一流。
🎮｜限定活動｜🎮
打卡影3張相+hashtag #香港蘑界 或 出示消費單據 即送3個套圈，可以套蔬果，套中嘅就可以攞返屋企啦~我哋套中咗個青蘋果同紅椒，收獲滿滿好開心~
张贴
