今日專登去沙田新城市嗰間永年車仔麵茶冰廳開餐，嗰幾樣餸樣樣都好好食
🥩牛三寶（BB辣）
牛三寶真係夠晒料！牛筋軟到一抿就溶、牛肚爽脆仲掛住汁，揀BB辣啱啱好，連個湯底都鮮到想飲晒～
🥬腐乳通菜（多醬）
通菜撈到滿滿腐乳醬，鹹香帶少少甜，脆卜卜唔會淋，配麵配飯都正到痹！
🍕焗芝士鮮茄豬扒大焗飯
焗飯料多到瀉出來！豬扒厚身又多汁，番茄醬撈住拉絲芝士，熱辣辣嗰陣挖一羹，香到舐碟～
🍜永年大碗麵（油麵+永年辣汁）
直接實現配料自由！豬腸、豬紅、雞翼…堆到滿晒碗，油麵撈少辣嘅永年辣汁，香而唔嗆，連食兩大口都唔膩！
🧋樽仔奶茶+🍹凍檸檬柚子蜜
奶茶茶味夠濃郁，柚子蜜清爽解膩，配埋辣嘢一流～
分量多到要打包，沙田呢間真係值得專登嚟！
