💁🏻♀️ 沙田新開張台灣便當 💁🏻♂️
今日收工行開沙田係搵緊食乜之際，搵到呢間新開未見過既台灣餐廳，望一望menu竟然有鴨血寬粉😻即係決定食呢間
—
#🍻🍖 質素：
🍴小食
🍜豬大腸麵線｜$35
你地冇睇錯😂呢款麵線係小食黎架，小編點完發現同八方x集個啲差唔多份量，發覺可以當主食黎食
湯羹杰度岩岩好，豬大腸都算多，味道同價錢成正比，面頭啲芫荽都落得幾重手，岩曬芫荽控既人🙈可惜小編不是芫荽控，比我夾走曬先肯食
🧆台灣涼拌豬耳｜加配價 +$12
涼拌既小食不男都係最岩做開胃菜😌涼陣陣既豬耳好爽口，份量都ok多
🧆懷念鹽酥雞｜加配價 +$12
食台灣菜當然唔少得鹽酥雞😋鹽酥雞炸至金黃色，夠脆之餘又入味，肉質都幾嫩滑
🍴主食
🍱萬華網烤牛肉｜$72
+$12 升級 南部滷肉飯
豬生點左全餐牌最貴個款便當😂不過都唔係話好貴
黎到見到便當咁大份就知一定岩曬豬生🙈呢到既便當啲料都好足，淨係牛肉都已經鋪滿左成配便當，仲有好多其他配料｜滷蛋、蔬菜、粉絲等等｜一個人食都真係幾飽
味道方面，牛肉有街邊燒烤個種炭燒感，幾juicy，另外升級左滷肉飯，滷肉味道香濃，豬肉味重，撈飯食好正😋肉質唔乾，如果再多啲肥糕就更好
🍜麻辣鴨血肉燥寬粉｜$58
一見到個湯底紅到咁就有啲驚🙈事因小編只係食到bb辣
第一啖食既寬粉，索曬啲湯味，好麻好爽，寬粉望落似扁薯粉，但食落既質感就冇薯粉咁煙韌，易咬好多
而鴨血同樣索湯索得好勁，外內都好有麻辣味，正因為咁食落完全冇腥味，一碗有6-7件鴨血都幾多架😍
🍴飲品
🍵茉香蘋果茶冷泡茶｜跟餐附送
小編發覺呢排越黎越多呢啲冷泡茶🤔
呢款冷泡茶豬生好中意😍有茶香之餘，蘋果味都好香濃，味道比較清甜
🍵日本焙茶冷泡茶｜跟餐附送
而小編點左呢款，飲落好清爽，茶香都幾重👍🏻小編咁中意焙茶就係因為佢有茶香得黎冇乜苦澀味
—
🍻 #小胖台灣便當 🍖
🚩 沙田沙田正街11-17號偉華中心2樓3B-3C號舖
