影片
更多
2010-03-24
31 浏览
沙田友飯局，今次去咗麗豪酒店食意大利野，因為信用咭有折 。貪心想試多少少野，但係又驚眼闊肚窄，結果叫左一個set dinner，另外再加野。Set Dinner﹕頭盤﹕煎鴨肝伴蜜餞蘋果配砵酒汁前菜賣相唔錯，脆脆地既餅底配埋鴨肝一齊食，味道都幾好，如果大份啲就最好﹗主菜﹕香草扒龍蝦 + 烤澳洲羊扒伴百里香草濃汁兩樣味道都OK，但係龍蝦嘅賣相就唔算太吸引，好彩食落啲龍蝦肉都幾彈牙…羊扒都燒得幾好~我地叫左七成熟…燒得啱啱好~唔太生﹗甜品﹕意式芝士蛋糕配果香雲呢拿汁如果話呢個係芝士蛋糕嘅話，我覺得以口感同味道嚟講都似椰子蛋糕多啲~都幾特別既散叫﹕蟹肉磨菇芝士薄餅GOOD呀﹗又薄又脆，蟹肉好鮮甜，芝士又夠多，my favourite呀﹗Waiter哥哥話係人手自家製wor~班節蝦海鮮茄汁扁意粉一般，冇太大驚喜~班節蝦放得太多蒜蓉…甜品﹕甜品係我地既至愛，幾飽都要食呀﹗Waiter哥哥好主動係收碟個時介紹，介紹咗佢地有個是晚推介甜品。不過唔知係唔係我地幾個女仔太多問題啦，攪到個Waiter哥哥好似有少少面紅，仲唔覺意將“器皿”講成“皿器”添~不過總括黎講佢都好有心機介紹，最後每人叫一個甜品，大家
Set Dinner﹕
頭盤﹕煎鴨肝伴蜜餞蘋果配砵酒汁
前菜賣相唔錯，脆脆地既餅底配埋鴨肝一齊食，味道都幾好，如果大份啲就最好﹗
主菜﹕香草扒龍蝦 + 烤澳洲羊扒伴百里香草濃汁
兩樣味道都OK，但係龍蝦嘅賣相就唔算太吸引，好彩食落啲龍蝦肉都幾彈牙…羊扒都燒得幾好~我地叫左七成熟…燒得啱啱好~唔太生﹗
甜品﹕意式芝士蛋糕配果香雲呢拿汁
如果話呢個係芝士蛋糕嘅話，我覺得以口感同味道嚟講都似椰子蛋糕多啲~都幾特別既
散叫﹕
蟹肉磨菇芝士薄餅
GOOD呀﹗又薄又脆，蟹肉好鮮甜，芝士又夠多，my favourite呀﹗Waiter哥哥話係人手自家製wor~
班節蝦海鮮茄汁扁意粉
一般，冇太大驚喜~班節蝦放得太多蒜蓉…
甜品﹕
甜品係我地既至愛，幾飽都要食呀﹗Waiter哥哥好主動係收碟個時介紹，介紹咗佢地有個是晚推介甜品。不過唔知係唔係我地幾個女仔太多問題啦，攪到個Waiter哥哥好似有少少面紅，仲唔覺意將“器皿”講成“皿器”添~不過總括黎講佢都好有心機介紹，最後每人叫一個甜品，大家share試下唔同味道：
羅馬甜酒草莓杯
酒杯裏放士多啤梨賣相唔錯，甜酒係晒杯底，記得食之前要將面頭啲cream，中間既士多啤梨切粒同埋最底既甜酒撈埋先好食呀。甜酒既味道唔太濃，亦都無話苦，算係適中啦，雖然唔係話太特別，但係如果同男朋友叫一杯慢慢食，加埋個場既氣氛應該都幾 romantic﹗
椰香焦糖燉蛋
普通啦，不過個份量都算worth個價。如果唔想食西式cake個啲甜品的話都可以試下。
Strawberry Studio（是晚推介，不過唔太記得個英文名)
正名我都唔記得啦（一定唔係studio），不個咬落去既感覺同埋賣相都有點似apple pie，當然佢唔係炸同埋內裡是宜多啤梨肉而唔係蘋果啦。不過食落口都塊皮都幾鬆軟，再加埋伴碟既雪糕一齊食仲好味，10分滿分的話我會俾7-8分！
埋單時，唔覺唔覺原來真係可以坐 3 個幾鐘，話咁快就10點半！去之前睇過樓下啲comment 話坐到咁耐既原因係因為上菜慢到爆炸，不過我地又唔係好覺，啲野食20分鐘到都上菜，反而個度同埋沙田個環境真係relax到快樂不知時日過就真！如果唔想係港島、九龍個邊及或者新城市廣場同人係餐廳逼，又或者同男女朋友想係夜晚邊食邊傾心事的話，呢度既環境、食物同埋個discount後既價錢真係幾ok ！
张贴
