影片
更多
2014-03-12
1860 浏览
今日中午一點半左右黎到，午市尚算繁忙，但係都唔駛等位。餐廳正在試業階段，所以抱住試新野既心態，冇好大期望。Lunch set有三款，分別係咖哩飯配漢堡扒，麵配苦瓜奄列，飯配奄列 (詳細個名唔係好記得) 定食入面有海葡萄沙律，沙律醫汁唔錯，基本都有瀝乾水先整沙律，合格! 海葡萄有少少咸，食落似魚子咁好得意。中間黑色既係水雲，係海藻既一種 (問左店員先知)。右下角係苦瓜奄列，外皮煎到好似蛋卷，苦瓜一啲都唔苦，我平時唔多食苦瓜所以我好鍾意♡奄列保有少少濕潤感覺，good! 左下既飯係珍珠米，但係我覺得諗左啲，上面個啲唔知係咩 (唔記得問(*´>д<) )最特別係左上既包，有六種口味，有咸既咖哩，薯蓉，亦有甜既紅豆等等。我揀左紫薯，紫薯味道唔係太濃，中間仲有類似糯米既內餡，外皮好似炸過咁有少少脆，熱食最好味，不過食完真係好飽。le個沖繩辣椒泡盛係好似辣椒油咁樣，外表冇咩殺傷力但係其實都幾辣架，但唔係麻辣，有啲似辣椒仔。飲品加錢轉左黑糖咖啡，跟餐係玄米茶。咖啡加左黑糖同奶後其實黑糖味唔算好重，可能真係要落好多，但係我唔鍾意太甜。最後係跟餐甜品，黑糖杏仁豆腐，質地黏黏地，有好微既杏
Lunch set有三款，分別係咖哩飯配漢堡扒，麵配苦瓜奄列，飯配奄列 (詳細個名唔係好記得)
定食入面有海葡萄沙律，沙律醫汁唔錯，基本都有瀝乾水先整沙律，合格! 海葡萄有少少咸，食落似魚子咁好得意。中間黑色既係水雲，係海藻既一種 (問左店員先知)。
右下角係苦瓜奄列，外皮煎到好似蛋卷，苦瓜一啲都唔苦，我平時唔多食苦瓜所以我好鍾意♡奄列保有少少濕潤感覺，good! 左下既飯係珍珠米，但係我覺得諗左啲，上面個啲唔知係咩 (唔記得問(*´>д<) )
最特別係左上既包，有六種口味，有咸既咖哩，薯蓉，亦有甜既紅豆等等。我揀左紫薯，紫薯味道唔係太濃，中間仲有類似糯米既內餡，外皮好似炸過咁有少少脆，熱食最好味，不過食完真係好飽。
le個沖繩辣椒泡盛係好似辣椒油咁樣，外表冇咩殺傷力但係其實都幾辣架，但唔係麻辣，有啲似辣椒仔。
飲品加錢轉左黑糖咖啡，跟餐係玄米茶。咖啡加左黑糖同奶後其實黑糖味唔算好重，可能真係要落好多，但係我唔鍾意太甜。
最後係跟餐甜品，黑糖杏仁豆腐，質地黏黏地，有好微既杏仁味，配上黑糖啱啱好。
店舖唔算大，但枱與枱之間有一定空間，而且裝潢同員工制服都好有沖繩特色，牆上既沖繩招褔獅好可愛♥雜誌架仲有日文同中文既沖繩旅遊書，令人食完有想去沖繩旅行既衝動ヾ(*´∀｀*)ﾉ 希望下次黎食可以keep到水準
张贴
