影片
食家推介
平时都好钟意呢间食嘢，周不时就会挂住呢度d 冬甩。之前帮衬过其他分店，啲嘢食好似冇呢度咁好食。今次你叫咗个海鲜二人餐B ，都几丰富，有天妇罗拼盘，鱼虾蟹火锅杂炊饭，寿喜烧牛肉乌冬，两个冲绳海盐冬甩，同埋两杯嘢饮。天妇罗炸得几好，唔太油腻，个饭嘅汤底都算浓郁，食完火锅之后呢我哋就倒啲饭同埋芝士落去，加咗芝士之后好好食，劲邪恶。食完饭梗系唔少得最重要嘅海盐焦糖冬甩，最钟意食佢𠮶阵焦糖味，甜得来有少少海盐嘅咸，食落非常之夹。食完，店员同我哋讲，店舖只系做到三月底，不获续租，好可惜啊！
继续阅读
第一次食呢间嘅时候喺九龙湾MegaBox之后就喺新蒲岗Mkiki, 作为附近街坊大部份食肆都试过，依间都系我不二之选，见住餐牌不断嘅改变😂😂记得开头嘅时候价钱校平，所以经常都好多人，之后有一段时间加咗价（加幅都几大）所以之后就较少人食，而家个价钱就系一个适合嘅水平，所以我一个礼拜有时都会食一次～而家一个基本套餐，连埋饮品甜品$79～当然我系真系最主要为「甜品」而来食而主食当中，我试过几款，最欣赏嘅系蕃茄鸡卷，但系昨晚食嘅时候卖晒其他𩠌都OK嘅最重要啲饭又够热～但系昨日见到佢哋写话新蒲岗店做到3月28号
继续阅读
仲记得大概八年前喺朗豪坊第一次食呢间连锁野，不过𠮶间分店已经执咗好耐🙈主食其实就普通，但系个甜品真系一大亮点🫢呢篇纯粹系私心想纪录下，最近再访个波提冬甩依然系回忆中既味道几满意🤣可惜呢间分店都贴出左三月二十八日结业既通告，唔知仲有几多间剩😢▪️ 冲绳二段定食 (A+B+C+D)A 锅烧𩠌：芝士鸡 / 大阪烧酱吉列猪扒B 饭 / 乌冬：冲绳蒸饭💲79 / 寿喜烧乌冬💲89C 甜品：🌟冲绳海盐焦糖雪糕冬甩（8/10）D 餐饮淋上芝士酱既炸鸡，个皮保持微脆，粉浆厚度适中，鸡肉亦都嫩滑🐔吉列猪扒脆身，但系啲肉就偏干会介口，加上左大阪烧酱同埋木鱼丝🐷以菇、鸡肉、红萝卜、洋葱为主既蒸饭，饭粒微湿润，味道清淡🍚乌冬反而几弹牙🍝波提冬甩口感烟韧Q软，海盐焦糖酱突出，系难得地我会钟意既咸甜交替，配上云呢拿雪糕球好满足🥹🔎 整体评分（7/10）
继续阅读
好少嚟新蒲岗，咁啱呢日嚟附近睇戏就顺便食埋晚餐，见到呢间嚟自冲绳嘅餐厅几特别就一于试下！主打嘅二段定食性价比几高！先拣一份炸鸡/锅烧料理，再加一份主食，最后仲送一客呢间餐厅好出名嘅冲绳海盐焦糖雪糕冬甩！好几样𩠌都想试，最后拣咗蜜糖芥末黑椒鸡+冲绳蒸饭！蜜糖芥末黑椒鸡好香口，口味上甜>辣，而冲绳蒸饭都系第一次试，觉得好新鲜～ 卖相已经觉得好吸引，增加食欲，食落系淡淡地唔浓味，可以配𩠌送饭👍🏻 最后嘅雪糕冬甩真系画龙点睛！冬甩烟烟韧韧，唔点晒啲焦糖汁食就唔会太甜，啱啱好👍🏻 会再帮衬😛
继续阅读
Intro: 之前就介绍左冲绳料理定食嘅主食同锅烧𩠌，而其实最后仲有甜品送架，而最多网民赞嘅就系呢到嘅雪糕冬甩，所以一直都好想食～___________________🍽 冲绳海盐焦糖雪糕冬甩💰 跟餐附送 ⭐️9/10✍🏻 每粒冬甩好烟韧，有又咸又甜嘅味道✍🏻 雪糕嘅海盐味唔算突出，但食到云呢拿味✍🏻 焦糖又苦又甜，建议冬甩+雪糕+焦糖顺序咁食✍🏻 成个甜品食到甜咸苦嘅味道，但估唔到真系咁夹咁好食___________________🏠 Antoshimo Café & Bakery📍 新蒲岗太子道东638号Mikiki 地下G05B号舖📍油塘高超道38号大本型2楼211号舖📍钻石山龙蟠街3号荷里活广场1楼182号舖 ⭐️ 8/10___________________
继续阅读