影片
更多
2018-03-08
1213 浏览
為石垣牛而來，知道係呢度獨家的，係坊間少見，咁有特色就要黎試一試。食飯期間不斷聽到有人日文交流，原來主廚係日藉的，而且很多日本人來光顧，感覺相當地道。小店環境舒適，有卡位，也有大房。店員會先奉上熱毛巾擦手。前菜有海藻和蟹肉，酸味味，幾開胃，蟹肉鮮味。日本產黑毛和牛寿司盛合5種($198) 燒和牛、和牛赤身、和牛大拖羅、和牛鵝肝、和牛海瞻壽司，每一件壽司都係藝術，再用完美的碟盛載，可見日本人對食材和器皿配搭的講究。海膽口感好rich，同和牛mix埋，整體口感好creamy，連飯都好好味，幸福的味道。半熟slow cook和牛加少許生葱花，味帶少少辛口，加添層次。赤牛有嚼勁，牛味鮮，非常有quality。大拖羅雪花分佈均勻，口感十分肥美。鵝肝好香，加埋和牛一齊食，好食到飛起，感覺有如進入仙境。日本產豬肉煙肉拌波菜沙律($98)，不規則的大碗好靚，材料有煙肉粒、mushroom、車厘茄、葱絲和菠菜，配fruity dressing果味清新，煙肉粒口感扎實，食材新鮮，很美味。八重島炒麵($128)，和牛大大塊，油份充足，加入醬汁烹調很惹味，麵質係拉麵口感，富有彈性，配生蘿蔔蓉、洋蔥和白芝麻，有
食飯期間不斷聽到有人日文交流，原來主廚係日藉的，而且很多日本人來光顧，感覺相當地道。
小店環境舒適，有卡位，也有大房。店員會先奉上熱毛巾擦手。
前菜有海藻和蟹肉，酸味味，幾開胃，蟹肉鮮味。
日本產黑毛和牛寿司盛合5種($198) 燒和牛、和牛赤身、和牛大拖羅、和牛鵝肝、和牛海瞻壽司，每一件壽司都係藝術，再用完美的碟盛載，可見日本人對食材和器皿配搭的講究。
海膽口感好rich，同和牛mix埋，整體口感好creamy，連飯都好好味，幸福的味道。
半熟slow cook和牛加少許生葱花，味帶少少辛口，加添層次。
赤牛有嚼勁，牛味鮮，非常有quality。
大拖羅雪花分佈均勻，口感十分肥美。
鵝肝好香，加埋和牛一齊食，好食到飛起，感覺有如進入仙境。
日本產豬肉煙肉拌波菜沙律($98)，不規則的大碗好靚，材料有煙肉粒、mushroom、車厘茄、葱絲和菠菜，配fruity dressing果味清新，煙肉粒口感扎實，食材新鮮，很美味。
八重島炒麵($128)，和牛大大塊，油份充足，加入醬汁烹調很惹味，麵質係拉麵口感，富有彈性，配生蘿蔔蓉、洋蔥和白芝麻，有D大阪的味道，加左紫蘇葉有種特別的味道，感覺幾新鮮。
沖繩最矝貴又最出名的石垣牛($388)一定要食，嫩紅色的石垣牛，見到已經流晒口水。石垣牛的三個部位，有西冷、牛柳和後腿肉，配菜有蘿蔔、南瓜、青豆和薯條，平衡返蔬菜和肉肉。醬油蘿蔔甜甜地，南瓜質地好容，豆爽脆，薯條點蒜蓉醬超好味。
有三款sauce可以試下，蒜蓉醬甜甜地、A1醬味似喼汁和雪塩。
基本上石垣牛已調味，試完真味可再試其他口味，個人推介Okinawa的蒜蓉醬。
附上熱石，如果覺得石垣牛太生，可以自行加熱。
後腿肉: 運動位多，所以肉質較有嚼勁，比較少脂肪。
牛柳: 嫩滑非常，油脂適中，牛味出眾。
西冷: 肥美juicy，只融喺口，大滿足。
Asian beauty ($35) 入面加左橙汁和沖繩特產的花做ingredient，唔太甜，味道不錯，值得試！
Okinawa lime juice ($35)的青檸味濃郁，一D都唔artifical，鮮味十足。
順帶一提，廁所備有潄口水、膠杯、棉花棒、香水，相當貼心。
张贴
