四湯八麵

营业中

休息中

今日两公婆去观塘apm 揾野食 喺4楼见有间叫《四汤八曲》标榜喺台湾菜 见门口餐牌都啱食 决定试吓 点知濑哂野 我老公叫左海南无骨鸡饭 𨍭左普通白饭 𠮶餐附送养生汤 碟鸡饭同汤摆上枱 我同我老公都即时呆咗 三牒酱汁卖相奇差 好似人哋点完再俾你咁 至于鸡肉就有一只鸡翼，另外有5至6片鸡胸 但啲鸡胸细件到不堪 加埋只有烧腊档大约两旧鸡胸咁上下嘅份量 白饭质地偏硬 好似煮饭落唔够水咁 个汤非常重药材味 呢个就见仁见智 但唔系个个人都顶得顺；至于我就叫咗个虾肉扎肉鱼蛋加糖心蛋嘅福州大虾肉札汤面 汤底味道尚算OK 但两只虾开边就变成有4片 扎肉两片超薄 每片好似啲邮票咁大 两粒鱼蛋每粒好似波子咁大 糖心蛋尚算OK 面质亦偏硬 面份量对女性嚟讲尚可，但男人肯定唔够饱 饭同面每样都要70几蚊 咁嘅价钱嚟讲绝对系唔值 食完更加体会到点解咁多香港人上大陆消费 香港啲食店老板要赚到咁尽 客人食完点会返转头