陳根記

营业中

休息中

來之前，睇咗好多食評，有聽過朋友講，大家都講到好一般，抱著試伏的心態，反而覺得唔錯大家都話不外如是既wasabi 手撕雞，都真係好一般！但係加左個滷水醋之後，變左好正！炸大腸，好舊式既味道，仲有罐頭菠蘿墊底！好香脆，好好味！最後一個沙嗲牛肉粉絲煲，就真係差啲，同其他評語一樣真係好甜！到最後嗰個芒果一口脆，有股佢唔到有驚喜，雖然原來好細碟，將芒果急凍後，包住麵包炸，放啲忌廉墊，感覺有幾新鮮！星期一至四每一碟餸仲送一支飲品，你可以揀啤酒，汽水，薏米水或羅漢果茶！員工嘅服務態度都好好，坐得好舒服，唔好太大期望反而有驚喜，可以去多次！